8th Pay Commission: શું 100% સુધી વધી શકે છે સરકારી કર્મચારીઓનો પગાર? જાણો વિગત

8th Pay Commission: 8મા પગાર પંચની ચર્ચા ચાલી રહી છે, જેમાં કેન્દ્ર સરકારના કર્મચારીઓના પગારમાં 100 ટકા સુધીના વધારાની સંભાવના વ્યક્ત કરવામાં આવી રહી છે. તેવામાં ફિટમેન્ટ ફેક્ટર 2 લાગૂ થવા પર મિનિમમ બેસિક સેલેરી 36000 રૂપિયા સુધી થઈ શકે છે.

8th Pay Commission Update: થોડા સમય પહેલા ભારત સરકારે 8મા પગાર પંચની જાહેરાત કરી છે, જે અંતર્ગત સરકારી કર્મચારીઓનો પગાર વધારવાની વાત ચાલી રહી છે. તમને જણાવી દઈએ કે ભારતમાં પગાર પંચ કેન્દ્ર સરકારના કર્મચારીઓ અને પેન્શનરોના પગાર અને ભથ્થા નક્કી કરવામાં મહત્વની ભૂમિકા ભજવે છે. એકવાર તેને લાગુ કરવામાં આવે તો તે ઓછામાં ઓછા 10 વર્ષ સુધી અસરકારક રહે છે. દેશની 140 કરોડની વસ્તીમાંથી લગભગ 1 કરોડ લોકો કેન્દ્ર સરકારના વર્તમાન અથવા ભૂતપૂર્વ કર્મચારીઓ છે, જેઓ 8મા પગાર પંચની રાહ જોઈ રહ્યાં છે.

8મા પગાર પંચની તૈયારી
યુપીએ સરકાર દ્વારા વર્ષ 2014માં 7મા પગાર પંચની રચના કરવામાં આવી હતી, જેને એનડીએ સરકારે 2016માં લાગુ કર્યું હતું. હવે  બધાની નજર 8મા પગાર પંચ પર છે. આ માટેના સંદર્ભની શરતો (TOR) એપ્રિલ સુધીમાં ફાઇનલ થવાની અપેક્ષા છે. નેશનલ કાઉન્સિલ જોઈન્ટ કન્સલ્ટેટિવ ​​મશીનરી (NC-JCM) સ્ટાફ પક્ષે ToR દરખાસ્ત ડિપાર્ટમેન્ટ ઓફ પર્સોનેલ એન્ડ ટ્રેનિંગ (DoPT)ને મોકલી છે.

આ પણ વાંચોઃ ફ્રીમાં શેર આપી રહી છે દિગ્ગજ કંપની, 11000 છે શેરની કિંમત, ગુજરાતના કરશે મોટું રોકાણ

શું હશે આઠમાં પગાર પંચની સંભવિત શરતો?
આ વખતે કેન્દ્ર સરકારના કર્મચારીઓના વેતન અને પેન્શનમાં મોટા ફેરફાર થઈ શકે છે. તે હેઠળ બધા કર્મચારીઓના સેલેરી સ્ટ્રક્ચરને રિવ્યૂ કરવામાં આવશે અને નોન-વેએબલ પે સ્કેલના વિલય પર વિચાર કરવામાં આવશે, જેથી કરિયર ગ્રોથને સારો બનાવી શકાય.

અયક્રોયડ સૂત્ર (Aykroyd Formula) અને 15માં ભારતીય શ્રમ સંમેલન (Indian Labour Conference) ના આધાર પર મિનિમમ વેતન નક્કી કરવામાં આવશે.

આ સાથે મોંઘવારી ભથ્થાને બેસિક પે અને પેન્શનમાં સામેલ કરવાનો પ્રસ્તાવ છે, જેનાથી નાણાકીય સુરક્ષા વધારી શકાય.

સમાન પેન્શન, ગ્રેચ્યુઈટી અને ફેમિલી પેન્શનમાં સુધારો કરવામાં આવશે. 1 જાન્યુઆરી, 2004 પછી નિમાયેલા કર્મચારીઓ માટે જૂની પેન્શન યોજના (OPS) પુનઃસ્થાપિત કરવાની માંગ કરવામાં આવી છે.

CGHS (કેન્દ્ર સરકારની આરોગ્ય યોજના) ને કેશલેસ અને મુશ્કેલીમુક્ત આરોગ્ય સેવાઓ પૂરી પાડવા માટે સુધારવામાં આવશે. અનુસ્નાતક સ્તર સુધીના બાળકોના શિક્ષણ ભથ્થા અને હોસ્ટેલ ભથ્થામાં વધારો કરવાનું સૂચન કરવામાં આવ્યું છે.

આ પણ વાંચોઃ 543% વધ્યો આ શેરનો ભાવ, કંપની આપવા જઈ રહી છે 4 બોનસ શેર, ફેબ્રુઆરીમાં રેકોર્ડ ડેટ

શું તમને 100% પગાર વધારાનો લાભ મળશે?
NC-JCM સ્ટાફ સાઇડ લીડર એમ. રાઘવૈયાએ ​​તાજેતરના ઇન્ટરવ્યુમાં જણાવ્યું હતું કે નવા પગાર પંચમાં ફિટમેન્ટ ફેક્ટર 2 પર વિચાર કરવામાં આવી રહ્યો છે. આનો અર્થ એ થશે કે પગારમાં 100% વધારો થવાની સંભાવના છે. અત્યારે, 7મા પગાર પંચ હેઠળ, લઘુત્તમ મૂળભૂત પગાર 18,000 રૂપિયા પ્રતિ માસ છે અને મૂળભૂત પેન્શન 9,000 રૂપિયા છે.

જો ફિટમેન્ટ ફેક્ટર 2 લાગુ કરવામાં આવે છે, તો લઘુત્તમ મૂળભૂત પગાર રૂ. 36,000 અને લઘુત્તમ પેન્શન રૂ. 18,000 હોઈ શકે છે.