Bank Holiday in October: ઓક્ટોબર મહિનામાં આવશે અનેક તહેવારો, 16 દિવસ બેન્ક રહેશે બંધ

Bank holiday in October દર રવિવાર અને બીજા-ચોથા શનિવારે બેન્ક બંધ રહેશે. આ સિવાય તહેવારોમાં પણ બેન્કમાં રજાઓ હોય છે. ઓક્ટોબર મહિનામાં નવરાત્રિ-દશેરા સહિત ઘણા તહેવારો આવી રહ્યાં છે.

નવી દિલ્હીઃ એક સપ્તાહમાં સપ્ટેમ્બર મહિનો સમાપ્ત થવાનો છે. ત્યારબાદ વર્ષનો દસમો મહિનો ઓક્ટોબર શરૂ થઈ જશે. તેવામાં તમારે તે જરૂર જાણી લેવું જોઈએ કે ઓક્ટોબર મહિનામાં કયા-કયા દિવસે બેન્ક બંધ રહેશે? આમ તો આજના સમયમાં ઘણી બેન્કિંગ સર્વિસ ઓનલાઇન કે પછી ડિજિટલ માધ્યમથી થઈ જાય છે. 

આ સિવાય તમારે ઘણા કામો માટે બેન્ક જવુ પડે છે. તેવામાં તમારે જરૂર ચેક કરવુ જોઈએ કે ઓક્ટોબરમાં કયા દિવસે તમે બેન્ક સેવાનો લાભ લઈ શકશો નહીં. આ સિવાય બેન્ક રજાના દિવસે તમે કઈ બેન્ક સર્વિસનો લાભ ઉઠાવી શકો છો. 

આ પણ વાંચોઃ ઓપન થતાં પહેલા ધમાલ, પ્રાઇઝ બેન્ડ 68 રૂપિયા, 29 સપ્ટેમ્બરે ઓપન થશે આ કંપનીનો IPO

ઓક્ટોબરની ફેસ્ટિવ લિસ્ટ
ઓક્ટોબરમાં ઘણા પ્રકારના તહેવાર છે. આ કારણે બેન્કમાં રજાઓનું લિસ્ટ લાંબુ છે. દેશની કેન્દ્રીય બેન્ક એટલે કે ભારતીય રિઝર્વ બેન્કે ઓક્ટોબર મહિનામાં બેન્ક રજાઓનું લિસ્ટ જાહેર કરી દીધુ છે. આ મહિને લગભગ 16 દિવસ બેન્ક બંધ રહેશે. તેમાં રવિવારની રજાઓ સામેલ છે. જો તમે પણ બેન્ક જઈ કોઈ કામ કરવા ઈચ્છો છો તો આ રજાઓનું લિસ્ટ ચેક કરી શકો છો. 

ઓક્ટોબરમાં રજાઓનું લિસ્ટ

તારીખ	કારણ	સ્થાન
1 ઓક્ટોબર 2023	રવિવાર	સર્વત્ર
2 ઓક્ટોબર 2023	મહાત્મા ગાંધી જયંતિ	સર્વત્ર
8 ઓક્ટોબર 2023	રવિવાર	સર્વત્ર
14 ઓક્ટોબર 2023	મહાલય	કોલકાતા
15 ઓક્ટોબર 2023	રવિવાર	સર્વત્ર
18 ઓક્ટોબર 2023	કટિ બિહુ	ગુવાહાટી
21 ઓક્ટોબર 2023	દુર્ગા પૂજા (સપ્તમી)	અગરતલા, ગુવાહાટી, ઇમ્ફાલ, કોલકાતા
22 ઓક્ટોબર 2023	રવિવાર	સર્વત્ર
23 ઓક્ટોબર 2023	દુર્ગા પૂજા (નવમી)	અગરતલા, બેંગ્લોર, ભુવનેશ્વર, ચેન્નાઈ, ગુવાહાટી, હૈદરાબાદ, કાનપુર, કોચી, કોહિમા, કોલકાતા, લખનૌ, પટના, રાંચી, શિલોંગ, તિરુવનંતપુરમ
24 ઓક્ટોબર 2023	દુર્ગા પૂજા (દશમી)	સર્વત્ર
25 ઓક્ટોબર 2023	દુર્ગા પૂજા	ગંગટોક
26 ઓક્ટોબર 2023	દુર્ગા પૂજા (દસૈન)	ગંગટોક, જમ્મુ, શ્રીનગર
27 ઓક્ટોબર 2023	દુર્ગા પૂજા (દસૈન)	ગંગટોક
28 ઓક્ટોબર 2023	લક્ષ્મી પૂજા	કોલકાતા
29 ઓક્ટોબર 2023	રવિવાર	સર્વત્ર
31 ઓક્ટોબર 2023	સરદાર વલ્લભભાઈ પટેલની જન્મજયંતિ	અમદાવાદ