DA Hike: રક્ષાબંધન પહેલા કેન્દ્રીય કર્મચારીઓને મળશે ભેટ, DAમાં આટલો વધારો થવાની અપેક્ષા !

DA Hike: કેન્દ્રીય કર્મચારીઓને મોટો લાભ આપવાની તૈયારી સરકાર દ્વારા કરવામાં આવી રહી હોવાની સુત્રો દ્વારા માહિતી મળી છે, સરકારી કર્મચારીઓને રક્ષાબંધનના તહેવાર પહેલા સરકાર મોટી ભેટ આપી શકે છે, સરકાર મોંઘવારી ભથ્થામાં આટલા ટકાનો વધારો કરી શકે છે.

DA Hike: સરકાર રક્ષાબંધન પહેલા કેન્દ્રીય કર્મચારીઓને મોટી ભેટ આપી શકે છે. એવો અંદાજ છે કે જુલાઈ-ડિસેમ્બર 2025 ના સમયગાળા માટે મોંઘવારી ભથ્થામાં 3 ટકાનો વધારો થઈ શકે છે. આ સાથે, તે હવે વર્તમાન 55 ટકાથી વધીને 58 ટકા થઈ શકે છે. સામાન્ય રીતે સરકાર વર્ષમાં બે વાર મોંઘવારી ભથ્થામાં સુધારો કરે છે, જેની સત્તાવાર જાહેરાત પછીથી કરવામાં આવે છે. સરકારી કર્મચારીઓને DA આપવામાં આવે છે, જ્યારે DR (મોંઘવારી રાહત) પેન્શનરોને આપવામાં આવે છે.

AICPI-IW ડેટા અનુસાર, DA આટલો વધારો કરી શકે છે

સામાન્ય રીતે સરકાર તેના કર્મચારીઓના પગારની સમીક્ષા કરવા અને તેને સુધારવા માટે દર 10 વર્ષે પગાર પંચની રચના કરે છે. 7મું પગાર પંચ 31 ડિસેમ્બર 2025ના રોજ સમાપ્ત થઈ રહ્યું છે, જે 1 જાન્યુઆરી 2016થી અમલમાં આવ્યું હતું. હવે બધા 8મા પગાર પંચની રચનાની રાહ જોઈ રહ્યા છે, જે 1 જાન્યુઆરી, 2026થી લાગુ થવાની ધારણા છે.

તેમાં 3 ટકાનો વધારો થવાની શક્યતા

સરકાર વર્ષમાં બે વાર DAમાં વધારો કરે છે, જેથી કર્મચારીઓના પગારમાં પણ વધતી જતી ફુગાવા અનુસાર ગોઠવણ કરી શકાય. જાન્યુઆરીમાં ડીએમાં 2 ટકાનો વધારો કરવામાં આવ્યો હતો, જે 53 ટકાથી વધીને 55 ટકા થયો હતો. હવે જૂનમાં ઓલ ઈન્ડિયા કન્ઝ્યુમર પ્રાઈસ ઈન્ડેક્સ ફોર ઇન્ડસ્ટ્રિયલ વર્કર્સ (AICPI-IW) ના ડેટા પછી, તેમાં 3 ટકાનો વધારો થવાની શક્યતા છે.

ડીએમાં 58.18 ટકાનો વધારો થવાની શક્યતા

DA ફોર્મ્યુલા મુજબ ગણતરી પર, ડીએમાં 58.18 ટકાનો વધારો થવાની શક્યતા છે. સરકારની જાહેરાત પછી, DA પગારમાં ઉમેરવામાં આવે છે. સામાન્ય રીતે તેની જાહેરાત તહેવારોની મોસમ પહેલા કરવામાં આવે છે. આવી સ્થિતિમાં, આ વખતે પણ DA વધારાની જાહેરાત ઓક્ટોબરમાં દિવાળીની આસપાસ કરી શકાય છે.