આ વર્ષે કોઇપણ નવી યોજના માટે નહી મળે પૈસા, જાણો શું છે સરકારનો નિર્ણય

નવી દિલ્હી: કોરોના વાયરસ મહામારી અને લોકડાઉનના લીધે દેશને સંભવિત આર્થિક સંકટથી બચાવવા માટે કેન્દ્ર સરકારે પોતાની કમર કસી છે. પોતાના ખર્ચમાં ઘટાડો કરવાના ઇરાદા સાથે સરકારે નિર્ણય લીધો છે કે આ વર્ષે કોઇપણ નવી યોજના માટે પૈસા ખર્ચ કરવામાં નહી આવે. નાણા મંત્રાલય દ્વારા જાહેર કરવામાં આવેલ આદેશ હેઠળ ફક્ત કેટલીક યોજનાઓ માટે જ પૈસા મળી શકે છે. 

નાણા મંત્રાલયે જાહેર કર્યો આદેશ 
મીડિયા રિપોર્ટ્સ અનુસાર નાણામંત્રીએ તમામ મંત્રાલયોને એક આદેશ જાહેર કર્યો છે. તેના હેઠળ આ વર્ષે કોઇપણ નવી યોજનાને મંજૂરી નહી મળે. કેન્દ્ર સરકારે કોઇપણ યોજના માટે પૈસા ખર્ચ ન કરવાનો નિર્ણય કર્યો છે. નાણા મંત્રાલયે વિભિન્ન મંત્રાલયો અને વિભાગો દ્વારા આગામી 8 મહિના એટલે કે માર્ચ 2021 સુધી સ્કૃત નવી યોજનાઓની શરૂઆતને રોકી દેવામાં આવી છે. 

ફક્ત બે યોજનાઓને મળશે પૈસા
લોકડાઉનના લીધે આર્થિક નુકસાનનો અંદેશો પહેલાંથી જ છે. એવામાં નાણામંત્રાલયે સ્પષ્ટ કર્યું છે કે કેન્દ્ર સરકાર ફક્ત ગરીબ કલ્યાણ પેકેજ અને આત્મનિર્ભર આભિયાન પેકેજ હેઠળ જ પૈસા આપશે. નાણા મંત્રાલયે તમામ મંત્રાલયોને અનુરોધ કર્યો છે કે 2020-21 નાણાકીય વર્ષમાં કોઇ એવી યોજના ન બનાવે જેમા6 પૈસા ખર્ચ કરવાની સંભાવના હોય.