Gold Price Today: સોના-ચાંદીના ભાવમાં ભડકો, વૈશ્વિક સંકેતોનો કારણે બુધવારે કિંમતમાં થયો મોટો વધારો

Gold Silver Price Today જો તમે પણ સોનું-ચાંદી ખરીદવાની તૈયારી કરી રહ્યાં છે તો નવો ભાવ જાણી લો. આવનારા કેટલાક દિવસમાં સોના-ચાંદીના ભાવમાં ફરી વધારો થઈ શકે છે.

નવી દિલ્હીઃ  Gold Price Today: મજબૂત વૈશ્વિક સંકેતો વચ્ચે બુધવારે દિલ્હી બુલિયન માર્કેટમાં સોનું રૂ. 1,025 વધીને રૂ. 61,080 પ્રતિ 10 ગ્રામ પર પહોંચ્યું હતું. HDFC સિક્યોરિટીઝે આ માહિતી આપી હતી. અગાઉના કારોબારમાં સોનું 60,055 રૂપિયા પ્રતિ 10 ગ્રામ પર બંધ થયું હતું.

ચાંદી પણ રૂ. 1,810 વધીને રૂ. 73,950 પ્રતિ કિલોગ્રામ પર પહોંચી હતી. દિલ્હીના બજારોમાં સોનાની હાજર કિંમત રૂ. 1,025ના વધારા સાથે રૂ. 61,080 પ્રતિ 10 ગ્રામ પર ટ્રેડ થઈ રહી હતી. HDFC સિક્યોરિટીઝના વરિષ્ઠ વિશ્લેષક (કોમોડિટીઝ) સૌમિલ ગાંધીએ જણાવ્યું હતું કે સ્થાનિક બજારમાં સોનું રૂ. 61,000 પ્રતિ 10 ગ્રામના સ્તરને પાર કરી ગયું છે.

આ પણ વાંચોઃ Elon Musk Net Worth: એલોન મસ્કને જોરદાર 'ઝટકો', એક જ ઝાટકે અબજો રૂપિયા ડૂબી ગયા

સોના અને ચાંદીમાં તેજી
વિદેશી બજારમાં, સોનું અને ચાંદી અનુક્રમે $2,027 પ્રતિ ઔંસ અને $24.04 પ્રતિ ઔંસ પર ટ્રેડ થઈ રહ્યા હતા. કોમેક્સ સોનાના ભાવ બુધવારે એશિયન ટ્રેડિંગ કલાકોમાં વધ્યા હતા અને માર્ચ 2022 થી 1.80 ટકાથી વધુ વધ્યા છે. વધુમાં, યુએસ મેક્રો ડેટાને પગલે યુએસ ડૉલર ઇન્ડેક્સ અને બોન્ડ યીલ્ડમાં ઘટાડો થયો હતો, જેનાથી બુલિયનમાં તેજીનું સેન્ટિમેન્ટ વધ્યું હતું.

આસમાને પહોંચ્યો ભાવ
હાજર બજારમાં મજબૂત માંગને કારણે, સટોડિયાઓએ નવી પોઝિશન બનાવી, જેના કારણે બુધવારે વાયદાના વેપારમાં સોનાનો ભાવ રૂ. 166 વધીને રૂ. 61,120 પ્રતિ 10 ગ્રામ થયો હતો. મલ્ટી કોમોડિટી એક્સચેન્જ ખાતે, જૂન કોન્ટ્રેક્ટમાં સોનું રૂ. 166 અથવા 0.27 ટકા વધીને રૂ. 61,120 પ્રતિ 10 ગ્રામ પર 19,286 લોટનો કારોબાર થયો હતો.

આ પણ વાંચો- આ સરકારી આદેશ બદલી દેશે લોકોની જીંદગી, દરેક ભારતીયને મળશે સીધો 7 લાખનો ફાયદો

નિષ્ણાંતોએ કહ્યું કે મજબૂત વૈશ્વિક વલણને અનુરૂપ વાયદા કારોબારમાં સોનાની કિંમતોમાં મજબૂતી આવી છે. વૈશ્વિક સ્તર પર ન્યૂયોર્કમાં સોનું 0.27 ટકાની તેજીની સાથે 2,043.70 ડોલર પ્રતિ ઔંસ ચાલી રહ્યું હતું. 

ચાંદીની ચમકમાં વધારો
ચાંદીના ભાવ બુધવારે વાયદાના વેપારમાં રૂ. 128 વધીને રૂ. 74,746 પ્રતિ કિલોગ્રામ પર પહોંચી ગયા હતા કારણ કે હાજર બજારમાં મજબૂત માંગ વચ્ચે વેપારીઓએ તેમના હોલ્ડિંગને વિસ્તૃત કર્યું હતું. મલ્ટી કોમોડિટી એક્સચેન્જ પર, મેમાં ડિલિવરી માટે ચાંદીનો ભાવ 0.17 ટકા અથવા રૂ. 128 વધીને રૂ. 74,746 પ્રતિ કિલોગ્રામ થયો હતો, જેમાં 17,103 લોટના કારોબાર થયો હતો.

ચાંદીના ભાવમાં વધારો થવાનું મુખ્ય કારણ બજારમાં હકારાત્મક વલણ વચ્ચે વેપારીઓ દ્વારા નવી ખરીદી હતી. વૈશ્વિક સ્તરે, ન્યુયોર્કમાં ચાંદી 0.02 ટકા ઘટીને 25.10 ડોલર પ્રતિ ઔંસ રહી હતી.