આ એક ટ્રિકથી 40 લાખની હોમ લોનની EMIને કરો રફેદફે... 12 લાખથી વધુનું વ્યાજ પણ બચશે!

Home Loan EMI: હાલમાં જ સરકાર દ્વારા ટેક્સમાં રાહત અને વ્યાજ દરમાં કાપને કારણે હોમ લોનની શરતો સરળ બની છે. આજે અમે તમને જણાવીશું કે, તમે તમારી હોમ લોનમાં નાના ફેરફાર કરીને EMI કેવી રીતે ખતમ કરી શકો છો.

How to Reduce Home Loan EMI: દરેક વ્યક્તિનું સપનું હોય છે કે તેના માથા પર પોતાની છત હોય. પરંતુ કેટલીકવાર લાંબા ગાળાના EMI બોજનો ડર ઘર ખરીદવાના સપનામાં અવરોધ બની જાય છે. આજે અમે તમને જણાવીશું કે, તમે તમારી હોમ લોનમાં નાના ફેરફાર કરીને EMI કેવી રીતે ખતમ કરી શકો છો.

હાલમાં જ સરકાર દ્વારા ટેક્સમાં રાહત અને વ્યાજ દરોમાં ઘટાડાથી હોમ લોનની શરતો સરળ બની છે. આવી સ્થિતિમાં આ સમય તમારી લોનને ફરીથી પ્લાન કરવાની શ્રેષ્ઠ તક હોઈ શકે છે. જો તમે તમારી EMIમાં થોડો વધારો કરો છો, તો તમારી હોમ લોન જલ્દી પૂરી થઈ શકે છે, પરંતુ લાખો રૂપિયાના વ્યાજની પણ બચત થઈ શકે છે.

12 લાખ રૂપિયાની બચત
ધારો કે તમે 8.5% વ્યાજ દરે 20 વર્ષ માટે 40 લાખ રૂપિયાની હોમ લોન લીધી છે, તો તમારી EMI લગભગ 34,713 રૂપિયા હશે. હવે ધારો કે ટેક્સ રિઝીમમાં તાજેતરના ફેરફારને કારણે તમારી માસિક બચત વધીને રૂ. 7,572 થઈ રહી છે. જો તમે આ બચતનો 60% એટલે કે લગભગ રૂ. 4,500 તમારા હાલના EMIમાં ઉમેરો છો, તો તમારી લોનનો સમયગાળો 20 વર્ષથી ઘટીને 15 વર્ષ અને 2 મહિના થઈ જશે.

સૌથી મહત્વની વાત એ છે કે, આ નાના ફેરફાર દ્વારા તમે કુલ 12.02 લાખ રૂપિયાનું વ્યાજ બચાવી શકો છો. આનો અર્થ એ છે કે, લોન ટૂંક સમયમાં સમાપ્ત થવાની સાથે તમને આર્થિક રીતે પણ ફાયદો થશે.

મ્યુચ્યુઅલ ફંડમાં રોકાણ કરવું એ નફાકારક સોદો?
ઘણા લોકો આ એક્સ્ટ્રા રૂપિયા મ્યુચ્યુઅલ ફંડ SIPમાં રોકાણ કરવાનો વિકલ્પ પણ પસંદ કરે છે. પરંતુ શું તે હોમ લોન ચૂકવવા કરતા વધુ ફાયદાકારક છે? ચાલો તેને આ રીતે સમજીએ.

જો તમે 10 વર્ષ સુધી દર મહિને 4,500 રૂપિયા મ્યુચ્યુઅલ ફંડ SIPમાં રોકાણ કરો છો. ધારો કે તમને આના પર 12% વળતર મળી રહ્યું છે, તો તમારું કુલ રોકાણ 5.4 લાખ રૂપિયા થશે. 10 વર્ષ પછી આ રકમ વધીને અંદાજે 10.45 લાખ રૂપિયા થઈ શકે છે. ટેક્સ કાપ્યા પછી તમને લગભગ 9.21 લાખ રૂપિયા મળશે.

આ દરમિયાન 10 વર્ષ પછી તમારી લોનની બાકી મૂળ રકમ 28.14 લાખ રૂપિયા થશે. જો તમે લોનમાં 9.21 લાખ રૂપિયાની સંપૂર્ણ રકમનું રોકાણ કરો છો, તો મૂળ રકમ ઘટીને 18.93 લાખ રૂપિયા થઈ જશે. એટલે કે તમારે બાકીના 10 વર્ષ માટે પણ 9 લાખ રૂપિયાથી વધુનું વ્યાજ ચૂકવવું પડશે. આના પરથી સ્પષ્ટ થાય છે કે, મ્યુચ્યુઅલ ફંડમાં રોકાણ કરવા કરતા વધારાની EMI ચૂકવવી વધુ ફાયદાકારક સાબિત થઈ શકે છે.