અમેરિકાએ પરત મોકલેલા ભારતીય પાછા જઈ શકશે US, જાણો શું કહે છે નિયમ ?

Indian Immigrants: અમેરિકાથી મોકલવામાં આવેલા 205 ગેરકાયદેસર વિદેશી ભારતીય નાગરિકો ભારત પહોંચ્યા છે. પરંતુ સવાલ એ છે કે શું આ નાગરિકો ફરીથી અમેરિકા જઈ શકશે? જાણો આ અંગે નિયમો શું કહે છે. જ્યારથી ડોનાલ્ડ ટ્રમ્પ રાષ્ટ્રપતિ બન્યા છે ત્યારથી અમેરિકામાં ગેરકાયદેસર ઈમિગ્રન્ટ્સ વિરુદ્ધ કાર્યવાહી તેજ થઈ ગઈ છે.

Indian Immigrants: ગેરકાયદેસર રીતે અમેરિકામાં રહેતા ભારતીયોને એમેરિકાએ પોતાના મિલિટરી પ્લેન દ્વારા ભારત મોકલી આપ્યા છે, મળતી માહિતી મુજબ આજે એટલે કે 5 ફેબ્રુઆરીના રોજ આ પ્લેન પંજાબના અમૃતસર એરપોર્ટ પર બપોરે 2.20 વાગ્યે પહોંચ્યું છે. જો કે આ લોકોને પરત મોકલવામાં આવ્યા છે, ત્યારે શું તેઓ ક્યારેય કાયદેસર રીતે પણ અમેરિકા જઈ શકશે, જાણો શું કહે છે નિયમ ? 

205 ગેરકાયદેસર ભારતીય ઇમિગ્રન્ટ્સ ભારત પહોંચ્યા છે

જ્યારથી ડોનાલ્ડ ટ્રમ્પ રાષ્ટ્રપતિ બન્યા છે ત્યારથી અમેરિકામાં ગેરકાયદેસર ઈમિગ્રન્ટ્સ વિરુદ્ધ કાર્યવાહી તેજ થઈ ગઈ છે. અમેરિકાએ સેનાના C-147 પ્લેનમાં ગેરકાયદેસર ઇમિગ્રન્ટ્સની પ્રથમ બેચને ભારત મોકલી છે. અમેરિકી દૂતાવાસના એક અધિકારીએ જણાવ્યું કે વિમાનમાં 13 બાળકો સહિત કુલ 205 ભારતીયો છે. અમેરિકાથી દેશનિકાલ કરવામાં આવતા ભારતીયોને મેક્સિકો-યુએસ બોર્ડર પરથી પકડવામાં આવ્યા હતા.

શું યુએસ પાછા જઈ શકે છે આ પરત મોકલવામાં આવેલા લોકો?

હવે સવાલ એ છે કે અમેરિકાથી દેશનિકાલ કરાયેલા ગેરકાયદેસર ભારતીય ઈમિગ્રન્ટ્સ અમેરિકા પાછા જઈ શકશે? તમને જણાવી દઈએ કે નિકાસને લઈને દરેક દેશના પોતાના નિયમો હોય છે. નિયમો અનુસાર, તે તેના પર નિર્ભર કરે છે કે તે દેશની સરકાર નાગરિકને શા માટે દેશનિકાલ કરી રહી છે, તે તે દેશમાં પાછો જઈ શકે છે કે નહીં. સાદી ભાષામાં, દેશનિકાલના કારણોના આધારે, દેશનિકાલ કરાયેલ વ્યક્તિ ચોક્કસ સમયગાળા માટે તે દેશમાં પ્રવેશી શકતી નથી અથવા તેને જીવનભર તે દેશમાં પ્રવેશવા પર પ્રતિબંધ લગાવી દેવાય છે.

કેટલા વર્ષ માટે પ્રવેશ પર પ્રતિબંધ છે?

તમને જણાવી દઈએ કે નિકાસને લઈને તમામ દેશોના પોતાના નિયમો છે. પરંતુ અમેરિકામાં, મોટાભાગના કિસ્સાઓમાં પ્રતિબંધ 10 વર્ષ સુધી રહે છે. જો કે, કેટલાક કિસ્સાઓમાં તે 5 વર્ષથી લઈને કાયમી પ્રતિબંધ સુધીની હોઈ શકે છે. તે તેના પર નિર્ભર કરે છે કે કયા કારણોસર વ્યક્તિને દેશમાંથી દેશનિકાલ કરવામાં આવી રહ્યો છે. માહિતી અનુસાર, ખાસ કરીને અમેરિકામાં દેશનિકાલ પછી ફરીથી વિઝા માટે અરજી કરવી ખૂબ મુશ્કેલ છે, પરંતુ તે અશક્ય નથી. જો કોઈ વ્યક્તિને કોઈ મોટા કારણોસર દેશનિકાલ કરવામાં આવ્યો નથી, તો સામાન્ય રીતે તે વ્યક્તિ 5 વર્ષ પછી ફરીથી અરજી કરી શકે છે. પરંતુ વિઝા સંબંધિત મંજૂરી તે દેશના અધિકારીઓ દ્વારા જ આપવામાં આવે છે.