આજથી વધી જશે તમારો પગાર, બસ કરવું પડશે આ એક કામ...1 કરોડ લોકો માટે ખુશખબર!

જેમનો પગાર વાર્ષિક રૂપિયા 12.75 લાખ છે તેમને કોઈ આવકવેરો ચૂકવવો પડશે નહીં. તમને જણાવી દઈએ કે, નવી ટેક્સ વ્યવસ્થા પહેલા 7 લાખ રૂપિયા સુધીની આવક પર કોઈ ટેક્સ લાગતો નહોતો. ત્યારે નવી ટેક્સ વ્યવસ્થા લાગુ થતા 1 કરોડ લોકોને સીધો ફાયદો થશે.

જો તમને કહેવામાં આવે કે અપ્રેજલ વિના તમારો પગાર આજથી એટલે કે 1લી એપ્રિલ 2025થી વધી જશે, તો તમે કદાચ વિચારશો કે આ શું મજાક છે ? પરંતુ સત્ય છે, જો તમે આવકવેરાના દાયરામાં આવો છો અથવા નવા નાણાકીય વર્ષથી તેના કાર્યક્ષેત્રમાં આવવા જઈ રહ્યા છો, તો નવી કર વ્યવસ્થા તેમના માટે અપ્રેજલથી ઓછી નથી.

હકીકતમાં નવી કર વ્યવસ્થા 1 એપ્રિલ, 2025થી અમલમાં આવી છે અને તેની જાહેરાત બજેટમાં કરવામાં આવી હતી. નાણાપ્રધાન નિર્મલા સીતારમણે નવી કર વ્યવસ્થામાં મોટા ફેરફારો કર્યા છે અને જાહેરાત કરી હતી કે 12 લાખ રૂપિયા સુધીની વાર્ષિક આવક પર કોઈ આવકવેરો લાગશે નહીં, જેનો સૌથી વધુ ફાયદો મધ્યમ વર્ગને થશે. આ સિવાય નવી ટેક્સ સિસ્ટમમાં 75 હજાર રૂપિયાના સ્ટાન્ડર્ડ ડિડક્શનનો લાભ પણ મળશે.

એટલે કે, જેમનો પગાર વાર્ષિક રૂપિયા 12.75 લાખ છે તેમને કોઈ આવકવેરો ચૂકવવો પડશે નહીં. તમને જણાવી દઈએ કે, નવી ટેક્સ વ્યવસ્થા પહેલા 7 લાખ રૂપિયા સુધીની આવક પર કોઈ આવકવેરો લાગતો ન હતો. પરંતુ તેનાથી વધુ આવક પર નવી ટેક્સ સિસ્ટમ અને જૂની ટેક્સ સિસ્ટમ બંનેમાં ટેક્સની જોગવાઈ હતી.

બજેટમાં મોટી જાહેરાત કરવામાં આવી હતી

હવે જે લોકોની સેલેરી 12.75 લાખ રૂપિયા સુધી છે તેમણે ઈન્કમ ટેક્સ વિશે વિચારવાની જરૂર નથી. કલમ 87A હેઠળ પહેલાથી જ 7 લાખ રૂપિયા સુધીની આવક પર ટેક્સ છૂટ હતી, જે હવે વધારીને 12 લાખ રૂપિયા કરવામાં આવી છે. જો કોઈ વ્યક્તિનો પગાર છેલ્લા નાણાકીય વર્ષમાં રૂપિયા 10 લાખ હતો અને તેણે નવી કર વ્યવસ્થા પસંદ કરી હોત તો તેને કોઈપણ સંજોગોમાં ઈન્કમટેક્સ ભરવો પડ્યો હોત, પરંતુ આ વર્ષે તેઓએ કોઈ ટેક્સ ભરવાનો રહેશે નહીં, એટલે કે ગત વર્ષે ઈન્કમટેક્સ તરીકે ચૂકવેલા નાણાંની આ વર્ષે સીધી બચત થવા જઈ રહી છે.

1 એપ્રિલ, 2025થી જૂની ટેક્સ સિસ્ટમમાં રહેલા લોકોનું શું થશે ?

નાણાકીય વર્ષ 2025-26 1 એપ્રિલ, 2025થી શરૂ થઈ રહ્યું છે અને નવી ટેક્સ સિસ્ટમને ડિફોલ્ટ વિકલ્પ બનાવવાનું આ પ્રથમ સંપૂર્ણ વર્ષ હશે. જો કે, જૂની કર વ્યવસ્થા હજુ પણ અસ્તિત્વમાં રહેશે. જો તે તમારી આવક અને કપાતના આધારે ફાયદાકારક હોય, તો તમે તેને પસંદ કરી શકો છો. ખાસ કરીને નોકરી કરતા લોકો દર વર્ષે તેમની ITR ફાઇલ કરતી વખતે આને પસંદ કરી શકે છે.

જૂની ટેક્સ સિસ્ટમ હવે કોના માટે ફાયદાકારક ?

બજેટ 2025માં જૂની ટેક્સ સિસ્ટમ અથવા મુક્તિમાં કોઈ મોટો ફેરફાર કરવામાં આવ્યો નથી. જેમાં રૂપિયા 2.5 લાખ સુધીની આવક કરમુક્ત હશે અને ત્યારપછી 5%, 20% અને 30%ના સ્લેબ લાગુ થશે, 80C (1.5 લાખ), 80D, વ્યાજ (25000-50000) અને હોમ લોન (2 લાખ) જેવી કપાત થશે. જો તમે એચઆરએ, હોમ લોન મેળવો છો અથવા મોટા રોકાણો કરો છો, તો જૂની વ્યવસ્થા હજુ પણ ફાયદાકારક હોઈ શકે છે. જો તમે ભાડા પર રહેતા હો, હોમ લોનની ચુકવણી કરો છો અથવા મોટા તબીબી ખર્ચાઓ કરો છો, તો તમે જૂની ટેક્સ સિસ્ટમ પસંદ કરી શકો છો.

દેશમાં કેટલા લોકો આવકવેરો ચૂકવે છે ?

વર્ષ 2023-24ના આવકવેરા રિટર્ન ડેટા અનુસાર, 7.54 કરોડ પગારદાર વ્યક્તિઓએ ટેક્સ રિટર્ન ફાઈલ કર્યું હતું. તેમાંથી 5.89 કરોડ લોકોનો વાર્ષિક પગાર 7 લાખ રૂપિયાથી ઓછો હતો. જો સરકારનું માનીએ તો 12 લાખ રૂપિયાની નવી મુક્તિ મર્યાદા અનુસાર ટેક્સમાં છૂટ મેળવનારા લોકોની સંખ્યા વધીને 6.77 કરોડ થઈ જશે. આનો અર્થ એ થયો કે હવે 89.8% નોકરિયાત લોકો કોઈ આવકવેરો ચૂકવશે નહીં. એટલું જ નહીં, જો 12.75 લાખ રૂપિયાની મર્યાદાને ધ્યાનમાં રાખવામાં આવે તો આ સંખ્યા 6.92 કરોડ થઈ જશે, જેના કારણે 91.7% નોકરિયાત લોકોને ટેક્સમાંથી મુક્તિ મળશે. લગભગ 1.5 કરોડ લોકો કે, જેમની વાર્ષિક આવક 7 લાખથી 12 લાખ રૂપિયાની વચ્ચે છે, તેમને આ નિર્ણયથી ફાયદો થશે. હવે તેમને તેમના પગારની આવક પર કોઈ ટેક્સ ચૂકવવો પડશે નહીં.