ઘરમાં હોય બાળકો તો જાણી જ લો SBIની જોરદાર સ્કીમ

આ સ્કીમમાં બાળકોને બહુ ફાયદાકારક સુવિધાઓ આપવામાં આવી છે

નવી દિલ્હી : જો તમારા ઘરમાં બળકો હોય અને તમે એના નામે બેન્ક એકાઉન્ટ ખોલાવવા માગતા હો તો SBI પાસે બાળકો માટે એક સરસ સ્કીમ છે. 'પહેલા કદમ' અને 'પહેલી ઉડાન' નામની આ યોજના અંતર્ગત તમે બાળકો માટે સેવિંગ એકાઉન્ટ ખોલાવી શકો છો. આ એકાઉન્ટમાં બાળકોના ભવિષ્ય માટે જરૂરી તમામ સુવિધા આપવામાં આવી છે. આ સાથે જ એ વાતનું પણ ધ્યાન રાખવામાં આવ્યું છે કે બાળક આ એકાઉન્ટનો દુરુપયોગ ન કરી શકે. આ યોજના અંતર્ગત માતા-પિતા 18 વર્ષથી નીચેના બાળકનું એકાઉન્ટ ખોલાવી શકે છે. 

આ બેન્ક એકાઉન્ટમાં બાળકને ઇન્ટરનેટ બેન્કિંગ, મોબાઇલ બેન્કિંગ,  ATM Card અને ચેક બુક ફેસિલિટી જેવી તમામ સુવિધાઓ આપવામાં આવે છે. આ એકાઉન્ટના બે પ્રકાર છે. આમાં એક એકાઉન્ટ 10 વર્ષના નાના બાળક માટે છે અને બીજું એકાઉન્ટ 10 વર્ષથી મોટા બાળકો માટે છે. આ એકાઉન્ટ બાળકો અને માતા-પિતા સાથે જોઇન્ટ એકાઉન્ટથી ખુલે છે. 

આ એકાઉન્ટની ખાસ વાતો

• આ ઝીરો બેલેન્સ એકાઉન્ટ છે. આમાં ઝીરો બેલેન્સ હોય તો પણ કોઈ ચાર્જ નથી લાગતો.
• આમાં વધારેમાં વધારે 10 લાખ રૂ. રાખી શકાય છે. આનાથી વધારે પૈસા રાખવાની પરવાનગી નથી.
• આ એકાઉન્ટથી રોજના માત્ર 5000 રૂ. જ કાઢી શકાય છે પણ Bill payment, Opening e-Term Deposit (e-TDR)/ e-Special Term Deposit (e-STDR)/ e-Recurring Deposit (e-RD), Inter-Bank funds transfer (NEFT only)નો ઉપયોગ કરી શકાય છે. 
• આમાં ચેકબુકમાં એકાઉન્ટ ઓપનિંગ વખતે 10 ચેક આપવામાં આવે છે. 
• આ એકાઉન્ટમાં ATM-cum-Debit Cardની facility પણ દેવામાં આવી છે.