હવે જો તમે આ ભૂલ કરશો તો રદ થઈ જશે તમારું ડ્રાઈવિંગ લાઇસન્સ, જાણો શું હશે નવા નિયમો?

ટ્રાફિક ચલનની વસૂલાત વધારવા માટે સરકાર નિયમોમાં મોટા ફેરફાર કરવા જઈ રહી છે. નિયમોમાં ફેરફાર કર્યા પછી જો તમારું ચલણ ચૂકવવામાં ન આવે તો તમારું ડ્રાઇવિંગ લાઇસન્સ પણ રદ થઈ શકે છે.

હવે ટ્રાફિક ચલણ ન ભરવાની ડંફાશ તમને મોંઘી પડી શકે છે. પોલીસ તમારું ડ્રાઇવિંગ લાઇસન્સ પણ રદ કરી શકે છે. સૂત્રોના જણાવ્યા અનુસાર સરકારે નવો ડ્રાફ્ટ તૈયાર કર્યો છે. આ મુજબ જો ત્રણ મહિનામાં ઈ-ચલાન ન ભરાય તો ડ્રાઈવરનું લાઇસન્સ રદ થઈ શકે છે. આટલું જ નહીં રેડ લાઈટ ક્રોસ કરવી અને જોખમી ડ્રાઈવિંગ જેવી વર્ષમાં ત્રણ ભૂલો કરનારનું સરકાર ત્રણ મહિના માટે લાઇસન્સ જપ્ત કરી શકે છે.

કેમ લેવામાં આવી રહ્યો છે નિર્ણય 
 ટ્રાફિક પોલીસ દર વર્ષે જેટલા ઈ-ચલણ કરે છે, જેમાંથી માત્ર 40 ટકા લોકો જ રૂપિયાની ચૂકવણી કરે છે. આવી સ્થિતિમાં સરકાર તેનો રિકવરી રેટ વધારવા માંગે છે. તેથી નિયમોમાં કેટલાક ફેરફારો કરવામાં આવી રહ્યા છે. સરકાર માને છે કે જો લોકોના લાઇસન્સ જોખમમાં હોય તો તેઓ ગંભીરતાથી ચલણ ચૂકવશે. આ સિવાય સરકાર એ પણ વિચારી રહી છે કે જે લોકો ચલણ ચૂકવતા નથી અને તેમના બે ચલણ પેન્ડિંગ છે તો આવા વાહનોના વીમા પ્રિમિયમમાં વધારો કરવામાં આવે.

સરકાર પણ માને છે કે કડક નિયમોના અભાવે લોકો ચલણ ભરવામાં વિલંબ કરે છે. હાલમાં લાંબા સમય સુધી ચલનની રકમ ન ભરવા પર કોઈ દંડ નથી. સાથે જ ઘણી વખત લોક અદાલતમાં પણ લાંબા સમયથી પેન્ડિંગ રહેલા ચલણને મુક્તિ મળે છે. આવી સ્થિતિમાં લોકો જાણીને પણ ચલણ ભરતા નથી.

સુપ્રીમ કોર્ટે માંગ્યો હતો રિપોર્ટ 
સુપ્રીમ કોર્ટે રાજ્યો અને કેન્દ્રશાસિત પ્રદેશો પાસેથી ટ્રાફિક પોલીસ દ્વારા ચલણની સ્થિતિ અને તેની ચુકવણી અંગે રિપોર્ટ માંગ્યો હતો. જેમાં તમામ રાજ્યોના અહેવાલો રજૂ કરવામાં આવ્યા હતા. દિલ્હી એવા રાજ્યોમાં સામેલ છે જ્યાં ટ્રાફિક ચલણ સૌથી વધુ છે પરંતુ લોકો તેને ચૂકવતા નથી. દિલ્હીમાં આવા ચલણોની સંખ્યા 14 ટકા છે. જો યુપીની વાત કરીએ તો આ આંકડો 27 ટકા છે અને ઓડિશામાં સૌથી વધુ 29 ટકા છે. અન્ય રાજ્યોમાં પણ આવી જ સ્થિતિ છે.