મુકેશ અંબાણીના ડ્રાઇવરનો પગાર કેટલો હશે? આંકડો સાંભળીને તમારી આંખો થઈ જશે પહોળી..

Mukesh Ambani Driver Salary : રિલાયન્સ ઈન્ડસ્ટ્રીઝના ચેરમેન મુકેશ અંબાણીના ડ્રાઈવરોનો પગાર જાણીને તમે ચોંકી જશો. અંબાણી પરિવારના ડ્રાઇવરોને ખાનગી કંપની મારફત રાખવામાં આવ્યા છે. આ ડ્રાઇવરોને ખાસ તાલીમ આપવામાં આવે છે. એક રિપોર્ટ અનુસાર અંબાણીના ડ્રાઈવરોને વાર્ષિક 24 લાખ રૂપિયાનો પગાર મળે છે.

નવી દિલ્હીઃ દેશના દિગ્ગજ ઉદ્યોગપતિ મુકેશ અંબાણીની સંપત્તિ (Mukesh Ambani Net Worth) વિશે તો તમે ખુબ સાંભળ્યું હશે. પરંતુ શું તમે આ અબજોપતિ કારોબારીના ડ્રાઇવરના  પગાર (Mukesh Ambani Driver Salary) વિશે જાણો છો. અંબાણીના ડ્રાઈવરની સેલેરી તમને આશ્ચર્યચકિત કરી દેશે. સોશિયલ મીડિયા પર હાલમાં એક વીડિયો વાયરલ થઈ રહ્યો છે. આ વીડિયોમાં એવો દાવો કરવામાં આવ્યો છે કે વર્ષ 2017માં મુકેશ અંબાણીના પર્સનલ ડ્રાઈવરની સેલરી લગભગ 2 લાખ રૂપિયા પ્રતિ મહિને હતી. લાઈવ મિન્ટના એક રિપોર્ટમાં આ માહિતી આપવામાં આવી છે. આ રીતે અંબાણીના ડ્રાઈવરની વાર્ષિક સેલેરી 24 લાખ રૂપિયા થઈ જાય છે. આ પગાર બહુરાષ્ટ્રીય કંપનીઓમાં કામ કરતા ઘણા વ્યાવસાયિકો કરતા વધુ છે. પરંતુ હજુ એ સ્પષ્ટ નથી થયું કે વર્ષ 2023માં મુકેશ અંબાણીના ડ્રાઈવરનું સેલરી પેકેજ શું છે. વર્ષ 2017 પછી તેમાં ચોક્કસપણે વધારો થયો હશે. હવે તે એટલો વધી ગયો હશે કે વરિષ્ઠ અધિકારીઓને પણ શરમ આવે.

કડક તાલીમ આપવામાં આવે છે
એવું કહેવાય છે કે અંબાણી પરિવારના ડ્રાઇવરોને ખાનગી કોન્ટ્રાક્ટિંગ ફર્મ દ્વારા રાખવામાં આવે છે. ડ્રાઇવિંગ સ્ટાફને પણ અંબાણી પરિવારની ભવ્ય જીવનશૈલી અનુસાર સખત તાલીમ લેવી પડે છે. આ ડ્રાઇવરોએ અંબાણીના બુલેટપ્રૂફ વાહનો ચલાવવાના હોય છે. આથી આ ડ્રાઇવરો કોમર્શિયલ અને લક્ઝરી વાહનો ચલાવવામાં નિષ્ણાત છે. તેઓ પ્રતિકૂળ પરિસ્થિતિઓમાં નેવિગેટ કરવામાં અને ખરાબ રસ્તાઓ પર વાહન ચલાવવામાં પણ માહિર છે. અહેવાલો અનુસાર, અંબાણી પરિવારના રસોઈયા, ગાર્ડ અને હાઉસકીપિંગ સ્ટાફને અન્ય ભથ્થા અને વીમો પણ આપવામાં આવે છે.

આ પણ વાંચોઃ સસ્તા ભાવે સોનું વેચી રહી છે સરકાર, ફક્ત આ લોકો તેને ખરીદી શકશે; જાણો કયા ભાવે મળશે?

આમનો પગાર પણ જાણો
સેલિબ્રિટીઓના ડ્રાઇવરો અને બોડીગાર્ડના પગાર સમાચારોમાં રહે છે. સલમાન ખાન અને અક્ષય કુમાર જેવી ઘણી હસ્તીઓ તેમના બોડીગાર્ડને કરોડોમાં પગાર ચૂકવે છે. લાઈવ મિન્ટ અનુસાર, 20 વર્ષથી તેની સાથે રહેલો સલમાન ખાનનો બોડીગાર્ડ શેરા વાર્ષિક 2 કરોડ રૂપિયા ચાર્જ કરે છે. તે જ સમયે, કરીના કપૂર તેના બાળકોની સંભાળ રાખતી આયાને દર મહિને 1.50 લાખ રૂપિયા આપે છે. ઓવરટાઇમ માટે આ 1.75 લાખ રૂપિયા સુધી જાય છે. અક્ષય કુમારના બોડીગાર્ડ શ્રેયસની વાત કરીએ તો તે દર વર્ષે 1.2 કરોડ રૂપિયાનો પગાર લે છે.