પત્નીના નામે ઘર ખરીદશો તો એક નહીં, ઘણા ફાયદા મળશે! વ્યાજથી લઈને ટેક્સમાં થશે લાભ, જાણો વિગત

Home Buying Tips: મહિલાઓ માટે, પોતાનું ઘર ખરીદવું હવે માત્ર એક સ્વપ્ન નથી, પરંતુ એક પ્રાપ્ત કરી શકાય તેવું લક્ષ્ય છે, જેની સાથે ઘણા નાણાકીય લાભો પણ જોડાયેલા છે. આજે આપણે આવા 4 ફાયદાઓ જાણીશું જે મહિલાઓ માટે ઘર માલિક બનવા માટે શ્રેષ્ઠ છે.

why buy house in wife;s name: દરેક વ્યક્તિનું સપનું હોય છે કે તેનું ખુદનું ઘર હોય, પરંતુ ભારતમાં મહિલાઓ માટે આ સપનું હવે વધુ સરળ બની ગયું છે. હકીકતમાં સરકાર અને નાણાકીય સંસ્થાઓ, બંને મહિલાઓને સંપત્તિના માલિક બનાવવા માટે સતત પ્રોત્સાહિત કરી રહ્યાં છે, જેના કારણે તેને ઘર ખરીદવામાં રાહત આપવામાં આવે છે.

કેમ મહિલાઓ માટે ઘર ખરીદવું છે ફાયદાનો સોદો?
આમ તો ભારતમાં મહિલાઓના નામ પર સંપત્તિ ખરીદવી ન માત્ર એક સમજદારીભર્યું રોકાણ હોય છે, પરંતુ આ તેને નાણાકીય રીતે મજબૂત પણ બનાવે છે. જ્યારે કોઈ મહિલાના નામ પર ઘર કે જમીન હોય તો તે ન માત્ર તેની નાણાકીય સુરક્ષાને મજબૂત કરે છે, પરંતુ પરિવારની સમગ્ર સંપત્તિ સ્થિતિને સારી બનાવે છે. આ ઉપરાંત, સરકાર આ દિશામાં ઘણી પ્રોત્સાહક યોજનાઓ પણ ચલાવી રહી છે, જેમ કે નોંધણી ફીમાં ડિસ્કાઉન્ટ અથવા સ્ટેમ્પ ડ્યુટીમાં છૂટ. એટલું જ નહીં, બેંકો વગેરેનો મહિલાઓ પર વધુ વિશ્વાસ હોવાને કારણે, તેમને સરળ અને ઓછા વ્યાજ દરે હોમ લોન જેવી સુવિધાઓ પણ મળે છે.

ઘર ખરીદનારી મહિલાઓને મળનાર ખાસ પ્રોત્સાહન
જો તમે એક મહિલા છો અને ઘર ખરીદવાનો વિચાર કરી રહ્યાં છો તો આ મુખ્ય પ્રોત્સાહનને જાણવા તમારા માટે ફાયદાકારક સાબિત થઈ શકે છે.

1. સ્ટેમ્પ ડ્યુટી મુક્તિ:
જો તમે મહિલાના નામે મિલકત ખરીદો છો, તો તમને સ્ટેમ્પ ડ્યુટીમાં સારી છૂટ મળી શકે છે. ઘણા રાજ્યોમાં, મહિલાઓ માટે આ દર પુરુષો કરતાં 1% થી 2% ઓછો છે. ઉદાહરણ તરીકે, દિલ્હીમાં, પુરુષો માટે 6% સ્ટેમ્પ ડ્યુટી વસૂલવામાં આવે છે, જ્યારે મહિલાઓ માટે તે માત્ર 4% છે, એટલે કે 2% ની સીધી બચત, હરિયાણામાં 7% ને બદલે 5% છે અને યુપીમાં 7% ને બદલે 6% છે. એટલે કે, ₹50 લાખની મિલકત પર 1% નું ડિસ્કાઉન્ટ પણ ₹50,000 બચાવી શકે છે અને ઝારખંડ જેવા રાજ્યોમાં, મહિલાઓ માટે ફક્ત ₹1 સ્ટેમ્પ ડ્યુટી રાખવામાં આવી છે.

2. હોમ લોન પર ઓછા વ્યાજ દર:
મહિલાઓ માટે હોમ લોન પરના વ્યાજ દર સામાન્ય રીતે પુરુષો કરતાં થોડા ઓછા હોય છે, જે મોટી બચતનો લાભ આપે છે. ઘણી બેંકો મહિલાઓને 0.05% થી 01% ના ઓછા વ્યાજ દરે લોન આપે છે. શરૂઆતમાં આ તફાવત નાનો લાગશે, પરંતુ તે 20-25 વર્ષની હોમ લોન પર લાખો રૂપિયાની બચતમાં પરિણમી શકે છે.

3. પ્રધાનમંત્રી આવાસ યોજના (PMAY) માં વિશેષ લાભ
તમને જણાવી દઈએ કે પ્રધાનમંત્રી આવાસ યોજના (PMAY) મહિલાઓને સસ્તા મકાનો પૂરા પાડી રહી છે. આ યોજનામાં મહિલાઓને પ્રાથમિકતા આપવામાં આવે છે અને સબસિડીનો લાભ મેળવવા માટે, મહિલા મિલકતની માલિક હોવી જરૂરી છે. આર્થિક રીતે નબળા વર્ગ (EWS) અને ઓછી આવક ધરાવતા જૂથ (LIG) ની મહિલાઓ આ યોજના હેઠળ 6.5% સુધીની વ્યાજ સબસિડી મેળવી શકે છે. એટલે કે, ₹ 2.67 લાખ સુધીની બચત શક્ય છે, જે ઘર ખરીદવાના ખર્ચમાં નોંધપાત્ર ઘટાડો કરે છે અને EMI નો બોજ પણ ઘટાડે છે.

આ પણ વાંચોઃ SIP થી 'ધનવાન' બનાવનાર 6 સીક્રેટ! સમજી ગયા તો ચુંબકની જેમ ખેંચાઈ આવશે પૈસા

4. ટેક્સ બેનિફિટ્સ (Tax Benefits):
આ ઉપરાંત, મહિલા ઘર ખરીદદારો આવકવેરા કાયદાની કલમ 80C હેઠળ મૂળ ચુકવણી પર ₹1.5 લાખ સુધીની કપાત અને કલમ 24(b) હેઠળ વ્યાજ ચુકવણી પર ₹2 લાખ સુધીની કપાતનો દાવો પણ કરી શકે છે.

ધ્યાન રાખવા જેવી બાબતો
પ્રોપર્ટીને ખરીદવા સમયે મહિલાઓને ઘણા ફાયદા મળે છે, પરંતુ તે માટે કેટલીક વાતનું ધ્યાન રાખવું જરૂરી હોય છે. તે માટે સૌથી પહેલા સ્ટેમ્પ ડ્યુટી અને અન્ય છૂટછાટ દરેક રાજ્યોમાં અલગ-અલગ હોય છે. આ સિવાય બેંક અને સરકારી યોજનાઓની શરતો જાણવી જરૂરી છે. 

(ડિસ્ક્લેમરઃ સામાન્ય માહિતીના આધારે આ જાણકારી આપવામાં આવી છે. ઘર ખરીદતા પહેલા દરેક માહિતી મેળવવી જરૂરી છે)