માત્ર ને માત્ર આ જ યુવતી ડાન્સમાં નોરા ફતેહીને ટક્કર આપી શકશે, જબરદસ્ત છે...

ઝી મીડિયા/બ્યૂરો :ગત વર્ષે 15 ઓગસ્ટના રોજ મલ્ટીપ્લેક્સમાં રિલીઝ થયેલી બોલિવુડ એક્ટર જ્હોન અબ્રાહમની ફિલ્મ ‘બાટલા હાઉસ (Batla House)’નું એક ગીત જબરદસ્ત પોપ્યુલર બન્યું હતું. ‘ઓ સાકી સાકી રે... (O Saki Saki) ’ ગીતમાં નૌરા ફતેહીનો ડાન્સ વાયરલ થયો હતો. ઈન્ટરનેટ પર અત્યાર સુધી આ ગીત ધમાલ મચાવી દીધી છે. આ ગીતમાં નોરા ફતેહી (Nora Fatehi) એ એક આઈટમ નંબર કર્યો હતો. આજે પણ આ ગીતનો ક્રેઝ યુવાઓમાં જોવા મળે છે. એટલું જ નહિ, અનેક લોકો આ ગીતના ડાન્સ મુવ્સ ફોલો કરે છે. તો કેટલાક નવા ડાન્સ મુવ્સ બનાવીને પોતાનું ગીત સોશિયલ મીડિયા પર અપલોડ કરે છે. હાલ ઈન્ટરનેટ પર આ ગીત પર એક કોરિયોગ્રાફર પ્રોનિયા વિજયનો ડાન્સ વીડિયો બહુ જ પોપ્યુલર બની રહ્યો છે.

96 લાખથી વધુ વ્યૂ મળ્યા
પ્રોનિતા વિજયે ઓ સાકી સાકી રે ગીત પર જબરદસ્ત ડાન્સ કર્યો છે. તેથી તેનો વીડિયો સોશિયલ મીડિયા પર જબરદસ્ત વાયરલ થઈ રહ્યો છે. પ્રોનિતા દ્વારા યુટ્યુબ પર ગત વર્ષે 16 જુલાઈનો રોજ આ વીડિયો અપલોડ કરવામાં આવ્યો હતો, જેના બાદ હવે તેની રિચ 96 લાખથી વધૂ વ્યૂ પર પહોંચી ગઈ છે. આ વીડિયોને 1 લાખથી વધુવાર લાઈક કરવામાં આવ્યો છે. સાથે જ 4000થી વધુ લોકોએ વીડિયો પર કોમેન્ટ કરી છે. ઉલ્લેખનીય છે કે, આ વીડિયોના વખાણ પણ તગડા થઈ રહ્યાં છે. એટલું જ નહિ, પ્રોનિતાનો ડાન્સ જોઈને તો લોકો પણ એવું કહેવા લાગ્યું કે, આ યુવતીએ નોરા ફતેહીને જોરદાર ટક્કર આપી છે.

તમને જણાવી દઈએ કે, ઓરિજિનલ ઓ સાકી સાકી રે ગીત સંજય દત્તની મુસાફીર ફિલ્મનું હતું. આ ગીતમાં બોલિવુડ એક્ટ્રેસ કોઈના મિત્રાએ પણ જબરદસ્ત પરર્ફોમન્સ આપ્યું હતું. ફિલ્મ બાટલા હાઉસમાં આ ગીતને તનિષ્ક બાગચી દ્વારા રિક્રિએટ કરવામાં આવ્યું છે. જેમાં તુલસી કુમાર અને નેહા કક્કડે અવાજ આપ્યો છે.