Aarya 3 Trailer: આર્યા સીઝન 3 આ દિવસથી થશે ઓટીટી પર સ્ટ્રીમ, દમદાર ટ્રેલર પણ થયું રિલીઝ

Aarya 3 Trailer: આર્યા અંતિમ વારનું ટ્રેલર જોઈને દર્શકો એક્સાઇટેડ થઈ રહ્યા છે. કારણ કે આર્યાની આ છેલ્લી સીઝન એક્શનથી ભરપૂર રહેવાની છે. 2.4 મિનિટના આ ટ્રેલરમાં આર્યાની પહેલી અને બીજી સીઝનની એક ઝલક પણ દેખાડવામાં આવે છે.

Aarya 3 Trailer: સુસ્મિતા સેનની વેબસરીઝ આર્યાની પહેલી સીઝન અને બીજી સીઝન લોકોને મનોરંજન પુરુ પાડવામાં સફળ રહી છે. ત્યારે હવે આર્યાની ત્રીજી સીઝન જોવા માટે લોકો આતુર છે. દર્શકોની આ આતુરતાનો અંત પણ ટૂંક સમયમાં આવવાનો છે કારણ કે આર્યા 3 ના ટ્રેલરની સાથે તેની રિલીઝ ડેટ પણ જાહેર કરી દેવામાં આવી છે. આર્યા સીઝન 3 અંતિમ વારનું દમદાર ટ્રેલર સોશિયલ મીડિયા પર ધૂમ મચાવી રહ્યું છે. 

આ પણ વાંચો: Fighter: ઋતિક-દીપિકાની ફિલ્મ 'ફાઈટર'ને ઝટકો, આ દેશોમાં અટકી શકે છે ફિલ્મની રિલીઝ

આર્યા અંતિમ વારનું ટ્રેલર જોઈને દર્શકો એક્સાઇટેડ થઈ રહ્યા છે. કારણ કે આર્યાની આ છેલ્લી સીઝન એક્શનથી ભરપૂર રહેવાની છે. 2.4 મિનિટના આ ટ્રેલરમાં આર્યાની પહેલી અને બીજી સીઝનની એક ઝલક પણ દેખાડવામાં આવે છે. છેલ્લે આર્યા બંદૂક સાથે જોવા મળે છે જે પહેલા પોતાને જ ગોળી મારી લે છે. જણાવી દઈએ કે ત્રીજી સીઝન સાથે જ આ સીરીઝ પણ પૂરી થઈ જશે. આ ટ્રેલર રિલીઝ થયાની સાથે જ ટ્રેન્ડ કરવા લાગ્યું છે.

View this post on Instagram

A post shared by Sushmita Sen (@sushmitasen47)

આર્યા સિરીઝનો છેલ્લો ભાગ આવતા મહિને એટલે કે ફેબ્રુઆરી મહિનામાં રિલીઝ થવા જઈ રહ્યો છે. 9 ફેબ્રુઆરી 2024 થી આર્યા સીઝન 3 ડિઝની પ્લસ હોટસ્ટાર પર સ્ટ્રીમ થશે. સીઝન 3 માં પણ આર્યા પોતાના બાળકોની સુરક્ષા માટે તમામ પ્રકારના લોકો સાથે લડતી જોવા મળે છે સાથે જ સિકંદર ખેર પણ જોવા મળે છે જે આર્યાનો બચાવ કરે છે.

આ પણ વાંચો:  Mirg Teaser: સતીષ કૌશિકની ફિલ્મ મિર્ગનું ટીઝર રિલીઝ, એક્શન અવતારમાંજોવા મળશે એક્ટર

આ ટ્રેલર એક્શન અને ડ્રામાથી ભરપૂર છે. ફિલ્મ ઇન્ડસ્ટ્રીના જાણીતા ફિલ્મ નિર્માતા રામ માધવની દ્વારા નિર્મિત આર્યામાં સુસ્મિતા સેન, ઉપરાંત ઈલા અરુણ, સિકંદર ખેર, ઈન્દ્રનીલ જેવા કલાકારો જોવા મળે છે.