અક્ષયકુમારના આ બોલીવુડ અભિનેત્રી સાથે થયા હતા સીક્રેટ લગ્ન? અભિનેત્રીએ કહ્યું હતું-અફેરના બહાને ઉપયોગ કર્યો

બોલીવુડની આ અભિનેત્રી અને અક્ષયકુમારના અફેરની ચર્ચા કોઈ નવી નથી. જો કે બંનેએ ક્યારેય તે અંગે ખુલીને સ્વીકાર કર્યો નથી. પરંતુ જૂના કેટલાક ઈન્ટરવ્યુ છે જેમાં તેમણે પોતાના સંબંધ અંગે વાતો કરેલી છે.

Akshay Kumar engagement Raveena Tandon: બોલીવુડની જાણીતી અભિનેત્રી રવીના ટંડન અને અક્ષયકુમારના અફેરની ચર્ચા કોઈ નવી નથી. જો કે બંનેએ ક્યારેય તે અંગે ખુલીને સ્વીકાર કર્યો નથી. પરંતુ જૂના કેટલાક ઈન્ટરવ્યુ છે જેમાં તેમણે પોતાના સંબંધ અંગે વાતો કરેલી છે. તે સમયે અક્ષય અને રવીનાના લગ્નના સમાચાર વહેતા થયા હતા. પરંતુ ત્યારબાદ બ્રેકઅપના સમાચારોએ ફેન્સને હચમચાવી દીધા હતા. અલગ થયા બાદ અક્ષયે એક ઈન્ટરવ્યુમાં સ્વીકાર્યું હતું કે તેની રવીના સાથે સગાઈ થઈ હતી પરંતુ લગ્ન નહતા થયા. અભિનેતાએ એમ પણ કહ્યું હતું કે બ્રેકઅપ બાદ પણ તેના રવીના સાથે સારા સંબંધ હતા. 

એક ઈન્ટરવ્યુમાં રવીનાએ એ વાતનો ઉલ્લેખ કરતા કહ્યું હતું કે અક્ષયે એક સાથે 3-3 યુવતીઓને પણ ડેટ કર્યું છે. તેણે રવીનાને પણ લગ્નનું વચન આપ્યું હતું. પરંતુ બાદમાં અક્ષયની અફેરની વાતોથી પરેશાન થઈને તેણે આ સંબંધ તોડી નાખ્યો હતો. 

અક્ષયકુમાર અને રવીના ટંડને 90ના દાયકામાં એક સાથે અનેક ફિલ્મોમાં કામ કર્યું હતું. બંનેની ફિલ્મ મોહરા વર્ષ 1994માં રિલીઝ થઈ હતી. ત્યારબાદ બંને વચ્ચે નીકટતા એકદમ વધી હતી. પ્રેમ થયો અને વાત લગ્ન સુધી પહોંચી ગઈ હતી. અક્ષયકુમાર પણ પોતાની હરકતોમાંથી બહાર આવતો નહતો. 

રવીના ટંડને અક્ષયકુમાર સાથે અફેર દરમિયાન પહેલીવાર અક્ષયને ચુંબન કર્યું હતું જો કે બાદમાં તેમના બેડરૂમમાં પણ એક સાથે હોવાની ખબરો વહેતી થઈ હતી. રવીનાએ એક ઈન્ટરવ્યુમાં જણાવ્યું હતું કે અક્ષય તેની સાથે રિલેશનશીપમાં હતો છતાં શિલ્પા શેટ્ટીને ડેટ કરતો હતો. રવીનાએ કહ્યું કે અક્ષયે તેને દગો કર્યો. જો કે તેના મિત્રોએ અભિનેત્રીને પહેલેથી જ અક્ષયથી દૂર રહેવા જણાવ્યું હતું.