'Taarak Mehta' ના નટ્ટુ કાકાએ જોયો મુશ્કેલીનો એવો દોર, જેનો તમે ક્યારે પણ વિચાર નહીં કર્યો હોય

નવી દિલ્હી: આ ટેન્શન ભર્યા સમયમાં જ્યારે લોકો તેમના દિમાગને રિલેક્સ કરાવવા માંગે છે, ત્યારે હાસ્યનો થોડો ડોઝ જરૂરી છે. કોમેડી શો તારક મહેતા કા ઉલ્ટા ચશ્મા (Taarak Mehta Ka Ooltah Chashmah) એ આ કામમાં નિપુણતા મેળવી છે. આ જ કારણ છે કે, આ શો છેલ્લા 13 વર્ષથી દર્શકોનો પ્રયિ શો છે. આ શોના દરેક પાત્રને લોકો ખૂબ પસંદ કરે છે. શોનું આવું જ એકક પાત્ર છે. સમજદાર અને સુંદર નટ્ટુ કાકા એટલે કે ઘનશ્યામ નાયક (Ghanashyam Nayak). સ્ક્રીન પર આવતાની સાથે જ લોકોના પેટ પકડીને હસ્તા જોવા મળે છે. પરંતુ શું તમે જાણો છો કે, નટ્ટુ કાકાની રિયલ લાઈફ ઘણી ઉતાર ચઢાવ ભરી રહેલી છે. એક સમય હતો જ્યારે તેઓ માત્ર 3 રૂપિયા કમાતા હતા.

થિયેટરના દિવસોમાં જોયો ખરાબ તબક્કો
તમને જાણીને નવાઈ લાગશે કે એક સમય હતો જ્યારે ઘનશ્યામ નાયકને પૈસા માટે બીજાની મદદ લેવી પડતી હતી. આ તે સમયની વાત છે જ્યારે તે ફિલ્મો અને ટીવીમાં નહીં પણ થિયેટરોમાં કામ કરતા હતા. તેમણે એક વાતચીતમાં જણાવ્યું હતું કે તે સમયે કલાકો સુધી કામ કર્યા બાદ તેમને માત્ર 3 રૂપિયા મળતા હતા.

દિવસના 90 રૂપિયા પણ મળ્યા
ત્યારબાદ તબક્કો બદલાયા અને ઘનશ્યામ નાયકને ફિલ્મોમાં કામ મળવા લાગ્યું. વાત 60 અને 70 ના દાયકાની છે, જ્યારે ઘનશ્યામે ફિલ્મોમાં કામ કરવાનું શરૂ કર્યું, ત્યારે તેમને ત્રણ દિવસના શૂટિંગ માટે માત્ર 90 રૂપિયા મળતા હતા. પરંતુ આ સ્થિતિ પહેલા કરતા સારી હતી.

કેન્સર સામે લડી રહ્યા છે નટ્ટુ કાકા
ઘનશ્યામ નાયક એટલે કે 'તારક મહેતા' ના નટ્ટુ કાકા (Ghanashyam Nayak Aka Nattu Kaka) 77 વર્ષની ઉંમરે પણ કામ પ્રત્યે સમર્પિત છે અને તેમના ચાહકોનું ઘણું મનોરંજન કરે છે. આ દિવસોમાં લોકો તેને શોમાં મિસ કરી રહ્યા છે. કારણ કે આ દિવસોમાં તે શોમાં જોવા મળતા નથી. જૂન મહિનામાં તેમની બીમારીના સમાચાર સામે આવ્યા હતા. તે થોડા મહિનાઓથી કેન્સરથી પીડિત છે અને તેની સારવાર કરાવી રહ્યા છે.

આ ફિલ્મોમાં દેખાયા
ઘનશ્યામ નાયકને ભલે નટ્ટુ કાકાની ભૂમિકાથી ઓળખ મળી. પરંતુ છ દાયકામાં ફેલાયેલી તેની કારકિર્દીમાં, તેમણે ઘણા યાદગાર પાત્રો ભજવ્યા છે. તેમણે ઘણી મોટી ફિલ્મોમાં કામ કર્યું, તેમાંથી 'બેટા', 'લાડલા', 'ક્રાંતિવીર', 'બરસાત', 'ઘટક', 'ચાઇના ગેટ', 'હમ દિલ દે ચુકે સનમ', 'લજ્જા', 'તેરે નામ' , 'ખાકી' અને 'ચોરી ચોરી' જેવી ઘણી ફિલ્મો સામેલ છે.