Happy Birthday Nani: એક ક્લેપ બોયથી મોસ્ટ વર્સેટાઈલ એક્ટર... દર્શકો આતુરતાથી જુએ છે આ ફિલ્મની વાટ

Nani's Birthday: તેલુગુ ફિલ્મ જગતના સુપરસ્ટાર ગણાતા ઘંટા નવીન બાબુ જે નાનીના નામથી ખુબ જ લોકપ્રિય છે તેમનો આજે જન્મદિવસ છે. નેચરલ સ્ટાર નાની આજે 39 વર્ષના થયા. એક ક્લેપ આસિસ્ટન્ટ તરીકે કામ કર્યા બાદ ટોલિવૂડના મોસ્ટ વર્સેટાઈલ એક્ટર તરીકે નામના મેળવવી એક મોટી અચિવમેન્ટ છે. મીડિયા રિપોર્ટ્સ મુજબ નાનીએ ક્લેપ ડાઈરેક્ટર જોબ માટે પોતાની રેડિયો જોકીની જોબને પણ છોડી હતી. 2005માં ક્લેપ આસિસ્ટન્ટ તરીકે કામ શરૂ કર્યું હતું. અભિનેતાએ 2008માં ફિલ્મ અષ્ટા ચમ્માથી ડેબ્યુ કર્યું હતું. જેને મોહન ક્રિષ્ના ઈન્દ્રઘંટીએ ડાઈરેક્ટ કરી હતી. નાનીની એક ફિલ્મ હાલ ખુબ ચર્ચામાં છે જેનું નામ છે 'દશહરા'. આ ફિલ્મ પણ અન્ય ફિલ્મોની જેમ ધમાકો કરી શકે છે. 

દશહરા ફિલ્મ 30 માર્ચના રોજ રિલીઝ થવાની છે. પોતાના દમદાર અભિનયથી સાઉથ સ્ટાર નાની બધાના મન જીતી લે છે. તાજેતરમાં ફિલ્મનું ટીઝર રિલીઝ થયું હતું ત્યારે ફેન્સને મજા પડી ગઈ હતી. દર્શકો આ ફિલ્મની આતુરતાથી રાહ જોઈ રહ્યા છે. શ્રીકાંત ઓડેલાના દિગ્દર્શનમાં બનેલી આ ફિલ્મમાં નાની લીડ રોલમાં છે. ફિલ્મ 65 કરોડના બજેટમાં બની છે અને ફિલ્મના ડિજિટલ અને થિયેટર રાઈટ્સ 29 કરોડ અને 49 કરોડ રૂપિયામાં વેચાયા છે. જેનાથી ફિલ્મે રિલીઝ પહેલા જ 12 કરોડ રૂપિયાનો વકરો કરી લીધો છે. 

ફિલ્મની વાત કરીએ તો ટીઝરમાં જે પ્રમાણે દેખાડ્યું છે કે તેની શરૂઆત વીરલાપલ્લી નામના એક નાનકડા ગામના પરિચયથી થાય છે. જે કોલસાના ઢગલાથી ઘેરાયેલું છે. ટીઝરમાં નાનીના પાત્રને વોઈસઓવરથી દર્શાવવામાં આવ્યું છે. ગામના લોકો દારૂના આદી નથી પરંતુ દારૂ પીવો એ અહીંની પરંપરા છે. ફિલ્મની રિલીઝની વાત કરીએ તો આ ફિલ્મ 30 માર્ચના રોજ રિલીઝ થઈ રહી છે.