કરીના કપૂર ખાનનું OTT ડેબ્યુ હશે દમદાર, Jaane Jaan ફિલ્મમાં પહેલીવાર જોવા મળશે કરીનાનો ઈંટેંસ અવતાર

Jaane Jaan Trailer: કરીના કપૂર ખાનની ફિલ્મ જાને જાનનું ટ્રેલર રિલીઝ થયું છે. આ ફિલ્મ વડે કરીના કપૂર ખાન ઓટીટી ડેબ્યુ કરી રહી છે. આ ફિલ્મમાં કરીના કપૂર ખાન પહેલી વખત ઈંટન્સ લુકમાં જોવા મળશે. ફિલ્મમાં કરીના કપૂર ખાનનું પાત્ર દમદાર છે. આ ફિલ્મમાં કરીના કપૂર સાથે વિજય વર્મા અને જયદીપ અહલાવત પણ જોવા મળશે.

કરીના કપૂર ખાનની આ ફિલ્મ નેટફ્લિક્સ પર રિલીઝ થવાની છે. આ ફિલ્મ જાપાની ઉપન્યાસ ડિવોશન ઓફ સસ્પેક્ટ એક્સ પર આધારિત છે. ફિલ્મ રિલીઝ થાય તે પહેલા જ ફિલ્મનું ટ્રેલર રિલીઝ કરવામાં આવ્યું છે. કરીના કપૂર ખાનની આ ફિલ્મનું ટ્રેલર રિલીઝ થયાની સાથે જ ધમાલ મચાવી રહ્યું છે.

આ પણ વાંચો:

જાને જાન ફિલ્મ નેટફ્લિક્સ પર 21 સપ્ટેમ્બર 2023 ના રોજ રિલીઝ થશે. આ ફિલ્મનું નિર્દેશન સુજોય ઘોષે કર્યું છે. જ્યારે ફિલ્મની નિર્માતા એકતા કપૂર છે. આ ફિલ્મ કરીના કપૂર ખાનની પહેલી ઓટીટી ફિલ્મ છે. કરીના કપૂર આ ફિલ્મ ઉપરાંત ધ ક્રુઝમાં પણ જોવા મળશે. આ ફિલ્મને એકતા કપૂર અને રિહા કપૂર પ્રોડ્યુસ કરી રહી છે. આ ફિલ્મમાં કરીના કપૂર ખાન ઉપરાંત ક્રીતિ સેનન અને તબુ પણ જોવા મળશે. આ ફિલ્મ આવતા વર્ષે 22 માર્ચે રિલીઝ થાય તેવી સંભાવના છે. 

View this post on Instagram

A post shared by Netflix India (@netflix_in)

જાને જોન ફિલ્મ પહેલા કરીના કપૂર ખાન આમિર ખાન સાથે લાલ સિંહ ચઢ્ઢામાં જોવા મળી હતી જોકે આ ફિલ્મ કરીના કપૂર ખાનની ફ્લોપ ફિલ્મ સાબિત થઈ હતી. હવે જોવાનું રહ્યું કે ઓટીટી પર કરીના કપૂર ખાન હિટ સાબિત થાય છે કે નહીં.