પૈસાની તંગીએ બનાવ્યા હતા ચોકીદાર, હવે બિપાશા બસુની ફિલ્મમાં જોવા મળશે આ અભિનેતા

નવી દિલ્હીઃ ગ્લેમરની દુનિયામાં ક્યારે કોનો સિતારો ઝાંખો પડી જાય તેનો ખ્યાલ રહેતો નથી. થોડા દિવસોથી ચર્ચામાં રહેલા અભિનેતા સવી સિદ્ધૂને પૈસાની તંગીને કારણે ચોકીદારીનું કામ કરવું પડી રહ્યું હતું. જ્યારે આ સમાચાર સામે આવ્યા તો બોલીવુડના ઘણા મોટા કલાકારો સવીની મદદ માટે સામે આવ્યા છે. આ વચ્ચે ચર્ચા છે કે સિંગર મીકા સિંહે પોતાની અપકમિંગ ફિલ્મમાં સવી સિદ્ધૂને કામ આપ્યું છે. આ ફિલ્મમાં સવી સિદ્ધૂ સિવાય અભિનેત્રી બિપાશા બસુ પણ જોવા મળશે. 

મીકા સિંહે પોતાના ટ્વીટર એકાઉન્ટ પર પોસ્ટ કરતા લખ્યું હતું કે, હું સવી સિદ્ધૂને મળવા ઈચ્છું છું. હું તેને ઓળખતો નથી પરંતુ તેમની મદદ કરવા ઈચ્છું છું. 

I don’t know him personally, but I’d really love to help. https://t.co/J2WLpLJMSO

— King Mika Singh (@MikaSingh) March 20, 2019

Hey guys please find me Savi Sidhu’s number, I really would love to help him. At times it’s so difficult to understand our industry. We show so much love and fake smiles, but bhai when u see your brother or friend in times of need then please support yaar. pic.twitter.com/acuJcqiBF3

— King Mika Singh (@MikaSingh) March 20, 2019

મહત્વનું છે કે, એક્ટરમાંથી વોચમેન બનેલા સવી સિદ્ધૂની કહાની ગત સપ્તાહમાં સોશિયલ મીડિયામાં છવાયેલી છે. બોલીવુડમાં ગુલાલ, બ્કેલ ફ્રાઇડે, પટિયાલા હાઉસ જેવી સફળ ફિલ્મોમાં કામ કરી ચુકેલા સવી સિદ્ધૂ થોજા સમયથી તંગીમાં જીવી રહ્યાં હતા. જ્યારે તેમનો વીડિયો વાયરલ થયો તો ઇન્ડસ્ટ્રીઝના ઘણા લોકોએ પોતાની આ જિંદાદિલીને સલામ કરતા તેમની મદદ કરી છે. 

વાયરલ વીડિયોમાં અભિનેતાએ જણાવ્યું કે, તેમની તબિયત વધુ ખરાબ થઈ ગઈ હતી, જેથી તેમણે એક્ટિંગમાંથી બ્રેક લેવો પડ્યો હતો. તેવામાં તેમણે વોચમેનનું કામ શરૂ કરી દીધું હતું. વાયરલ વીડિયો બાદ મીકા સિંહ સવી સીદ્ધૂને ભૂષણ પટેલની અપકમિંગ ફિલ્મ આદતમાં રોલ ઓફર કર્યો છે.