Pathan: 20 વર્ષ પહેલા આ અભિનેત્રીએ કહ્યું હતું કે 'કાં તો સેક્સ વેચાય કાં શાહરૂખ ખાન', જાણો કેમ ચર્ચામાં આવ્યું નિવેદન?

Neha Dhupia Statement on Pathaan Success: શાહરૂખ ખાનની ફિલ્મ પઠાણ બોક્સ ઓફિસ પર જબરદસ્ત ટંકશાળ પાડી રહી છે. ફિલ્મે કમાણીમાં નવા રેકોર્ડ  બનાવ્યા છે. મીડિયા રિપોર્ટનું માનીએ તો પઠાણે માત્ર 4 દિવસમાં 429 રૂપિયાનું કલેક્શન (વર્લ્ડ વાઈડ) કર્યું છે. એ કહેવું બિલકુલ ખોટું નહીં હોય કે બોક્સ ઓફિસ પર શાહરૂખ ખાનની બાદશાહત કાયમ છે. આ બધા વચ્ચે જ્યાં સોશિયલ મીડિયા પર પઠાણ અને કિંગ ખાન સતત ટ્રેન્ડ થઈ રહ્યા છે ત્યાં અભિનેત્રી નેહા ધૂપિયા પણ શાહરૂખ ખાન વિશે પોતે આપેલા એક જૂના નિવેદનના કારણે ચર્ચામાં આવી ગઈ છે. અસલમાં વર્ષ 2004માં રિલીઝ થયેલી  ફિલ્મ જૂલીના રિલીઝ સમયે નેહા ધૂપિયાએ એક નિવેદન આપ્યું હતું જે એકવાર ફરીથી વાયરલ થઈ રહ્યું છે. 

20 વર્ષ બાદ સાચી પડી વાત
નેહા ધૂપિયાએ પોતાની ફિલ્મ જૂલીની રિલીઝ સમયે કહ્યું હતું કે કાં તો સેક્સ વેચાય છે અને કાં તો શાહરૂખ ખાન. નેહાનું આ જૂનું નિવેદન ચર્ચામાં કેવી રીતે આવ્યું એ પણ તમને જણાવીએ. અસલમાં પઠાણના બોક્સ ઓફિસ કલેક્શનને લઈને ટ્વિટર પર એક યૂઝરે નેહાની ટ્વીટને કોટ કરતા લખ્યું કે લગભગ બે દાયકા પહેલા નેહા ધૂપિયાએ એક નિવેદન આપ્યું હતું કે 'કાં તો સેક્સ વેચાય છે અને કાં તો શાહરૂખ ખાન. આ વાત આજે પણ સાચી છે.' જ્યારે નેહાએ પણ આ ટ્વીટ પર પોતાની પ્રતિક્રિયા આપતા કહ્યું કે 'વીસ વર્ષ બાદ, મારું નિવેદન સાચું પડ્યું. આ કોઈ 'એક્ટરની કરિયર' નહીં પરંતુ એક કિંગનું શાસન છે!'

શાહરૂખની અપકમિંગ ફિલ્મો
પઠાણની રિલીઝ બાદથી જ કિંગ ખાનના ફન્સને અભિનેતાની અપકમિંગ ફિલ્મોનો ઈન્તેજાર છે. અત્રે જણાવવાનું કે વર્ષ 2023માં શાહરૂખ ખાનની બીજી બે ફિલ્મો રિલીઝ થવાની છે. જેમાં ફિલ્મમેકર એટલીની 'જવાન' ને રાજકુમાર હીરાનીની ફિલ્મ 'ડંકી' શામેલ છે.