VIDEO : 'દે દે પ્યાર દે'નું નવું ગીત રિલીઝ, રકુલના લટકાંઝટકાં પરણેલાઓની પણ ઉડાવી દેશે નિંદર

નવી દિલ્હી : બોલિવૂડ એક્ટર અજય દેવગન, તબ્બુ અને રકુલ પ્રીત સિંહની કોમેડી ફિલ્મ દે દે પ્યાર દેનું નવું ગીત રિલીઝ થઈ ગયું છે. આ મસ્તીભર્યા ગીત હાઉલી હાઉલીમાં રકુલ પ્રીત સિંહના જબરદસ્ત લટકા ઝટકા જોવા મળી રહ્યા છે. આ ગીતમાં તબ્બુએ પણ ડાન્સ કર્યો છે અને તેના સ્ટેપ પણ અફલાતુન છે. 

આ ગીતની વાત કરીએ તો એને અવાજ આપ્યો છે ગેરી સંધુ અને નેહા કક્કડે. આ ગીતનું મ્યુઝિક તનિષ્ક બાગચીએ આપ્યું છે તેમજ એના શબ્દો કુમારે લખ્યા છે. આ ગીત ટી સિરીઝ કંપનીના લેબલે લોન્ચ કર્યું છે. આ એક પંજાબી સોન્ગ છે અને એના વીડિયોમાં જબરદસ્ત મસ્તીનો માહોલ છે. રકુલ પ્રીત સિંહ આ સમગ્ર ગીતમાં મારક અદાઓ કરતી જોવા મળે છે અને તેનો આ જ અંદાજ અજય દેવગનને તેનો પ્રેમી બનાવે છે. 

આ ગીતને હજી સુધી 76,426 કરતા વધારે વાર જોવાયું છે. આ ગીતના વીડિયોમાં અજય દેવગન, તબ્બુ અને રકુલ પ્રીત સિંહ વચ્ચે ગજબની કેમિસ્ટ્રી જોવા મળી રહી છે. આ ફિલ્મમાં અજય દેવગન અને રકુલ પ્રીત સિંહ પહેલીવાર સાથે કામ કરી રહ્યા છે. ફિલ્મમાં તબ્બુ પણ મહત્વના રોલમાં જોવા મળશે. આ ફિલ્મ આવતા મહિને 17 મેના દિવસે રિલીઝ થશે. આ ફિલ્મમાં તબ્બુ સાથે એક વખત પરણી ચુકેલા અજય દેવગનનો તેનાથી બહુ નાની વયની રકુલ પ્રીત સિંહ સાથેનો રોમેન્સ દેખાડવામાં આવ્યો છે.