Netflix પર પ્રિયંકાની એન્ટ્રી, આયોજન છે જબરદસ્ત

નવી દિલ્હી : દેસી ગર્લ પ્રિયંકા ચોપડાની હોલિવૂડ ફિલ્મ 'ઇઝન્ટ ઇટ રોમેન્ટિક' ભારતના થિયેટરમાં રિલીઝ થવાના બદલે નેટફ્લિક્સ પર રિલીઝ થશે. એક નિવેદન પ્રમાણે આ રોમેન્ટિક કોમેડીમાં રેબેલ વિલ્સન, લિએમ હેમ્સવર્થ અને એડમ ડિવાઇન મુખ્ય ભુમિકા ભજવી રહ્યા છે. આ ફિલ્મનું પ્રીમિયર 28 ફેબ્રુઆરીએ ભારતમાં યોજાશે. 

'ઇઝન્ટ ઇટ રોમેન્ટિક' ન્યૂયોર્કની એક આર્કિટેક્ટ નતાલી (વિલ્સન)ની સ્ટોરી છે. તે પોતાનું કામ હાઇલાઇટ થાય એ માટે આકરી મહેનત કરી રહી છે. પ્રિયંકા આ ફિલ્મમાં યોગ રાજદુતનો રોલ કરી રહી છે. હાલમાં આ ફિલ્મના પ્રમોશન માટે 'ધ અલેન ડેજેનેરેસ શો' પર પહોંચેલી પ્રિયંકાએ કહ્યું કે આ ફિલ્મમાં કામ કરતી વખતે મને બહુ મજા આવી. 

પ્રિયંકાએ પોતાનો અનુભવ જણાવતા કહ્યું કે આ એક બહુ સરસ ફિલ્મ હતી અને મને રેબેલ બહુ ગમે છે. તે પહેલીવાર ફિલ્મનું નિર્માણ કરી રહી છે એટલે અનુભવ પણ અનોખો રહ્યો. હું તેને સમર્થન આપવા માટે કંઈ પણ કરીશ.