રિલીઝ થયું વર્ષની સૌથી મોટી એક્શન ફિલ્મ 'સાહો'નું ટ્રેલર, શાનદાર અંદાજમાં જોવા મળ્યો પ્રભાસ

નવી દિલ્હીઃ સાઉથના સુપરસ્ટાર 'બાહુબલી' પ્રભાસ આ દિવસોમાં પોતાની મોસ્ટ અવેટેડ ફિલ્મ 'સાહો'ને લઈને ચર્ચામાં છે. ફિલ્મનું ધમાકેદાર ટ્રેલર રિલીઝ થયું છે. આ ટ્રેલર એટલું શાનદાર છે કે, તે રિલીઝ થતાં #SaahoTrailer ટ્રેન્ડ શરૂ થઈ ગયો છે. આ ટ્રેલર એટલી ધમાકેદાર એક્શનથી ભરપૂર છે કે લોકો તેને વારંવાર જોઈ રહ્યાં છે. 

ટ્રેલરમાં જ્યાં પ્રભાસનો લુક જોઈને ફેન્સ ઉત્સાહી છે તો શ્રદ્ધા કપૂરનો કોર્પ અવતાર પણ જોરદાર છે. તો આ નાના ટ્રેલરમાં બોલીવુડ વિલનની એક ફોજ જોવા મળી રહી છે. ટ્રેલરને જોઈને કોઈપણ હોલીવુડ એક્શન ફિલ્મની ફીલ આવી રહી છે. જુઓ આ ટ્રેલર... 

આ ફિલ્મને લઈને લોકો ખુબ ઉત્સાહી જોવા મળી રહ્યાં છે. આ ફિલ્મનું ટીઝર સોશિયલ મીડિયા પર છવાયું હતું અને આ સાથે બે ગીત 'સાઇક સૈંયા' અને 'ઇન્ની સોની' ઇન્ટરનેટ પર વાયરલ થઈ રહ્યાં છે. આજે ફિલ્મનું ટ્રેલર 4 ભાષાઓમાં એક સાથે રિલીઝ થઈ ગયું છે. ફિલ્મ સાહોના એક્શન સીન માટે વિશ્વભરના મોટા એક્શન કોરિયોગ્રાફરની ટીમની મદદ લેવામાં આવી છે. 

મહત્વનું છે કે પહેલા આ ફિલ્મ 15 ઓગસ્ટે રિલીઝ થવાની હતી, પરંતુ બાદમાં તેની રિલીઝ ડેટને આગળ વધારી દેવામાં આવી છે, કારણ કે આ દિવસે બોલીવુડની બે મોટી ફિલ્મો અક્ષય કુમારની મિશન મંગળ અને જોન અબ્રાહમની બાટલા હાઉસ રિલીઝ થવાની છે. 

સુજીત દ્વારા દિગ્દર્શિત આ ફિલ્મનું દેશ અને વિદેશમાં શૂટિંગ કરવામાં આવ્યું છે. મીડિયા રિપોર્ટ્સ પ્રમાણે આ ફિલ્મ લગભગ 150 કરોડ રૂપિયામાં બનીને તૈયાર થઈ છે.