53 વર્ષના આધેડ સલમાને તરવરતા યુવાન જેવા દેખાવા અપનાવ્યો 'આ' ખાસ રસ્તો

સલમાન આ લેટેસ્ટ ટેકનોલોજીનો ઉપયોગ સૌથી પહેલીવાર દબંગ 3માં કરશે. આમ ટેકનોલોજીનો ઉપયોગ કરીને સલમાન ઉંમર સામેની રેસ જીતી જશે

મુંબઈ : સલમાન ખાનના ચાહકો તેની આગામી ફિલ્મ ભારતની ઉત્સાહપૂર્વક રાહ જોઈ રહ્યા છે. ફિલ્મમાં તેનો લુક જોઈને બધાને આંચકો લાગ્યો છે કારણ કે તે 53 વર્ષનો હોવા છતાં આ ફિલ્મમાં અત્યંત યુવાન લાગે છે. સલમાનની આ યુવાનીનો રાઝ ટેકનોલોજીમાં સંતાયેલો છે. મળતી માહિતી પ્રમાણે આ ફિલ્મમાં સલમાને પોતાની જાતને યુવાન દર્શાવવા માટે સીજીઆઇ કોમ્પ્યૂટર જનરેટેડ ઇમેજનો ઉપયોગ કર્યો છે.  આ ટેકનોલોજીની મદદથી સલમાન યુવાનીથી માંડીને વૃદ્ધત્વ સુધીનો સમયગાળો પડદા પર દેખાડવાનો છે. 

મળતી લેટેસ્ટ માહિતી પ્રમાણે સલમાન આ ટેકનોલોજીનો ઉપયોગ પોતાની ફિલ્મ દબંગ 3માં કરવાનો છે જેથી ફિલ્મમાં સલમાન યુવાન વયનો દેખાઈ શકે. એક મીડિયા રિપોર્ટ પ્રમાણે દર્શકોને દબંગ 3માં કેટલાક ફ્લેશબેક સીન પણ જોવા મળશે. આ ફિલ્મની વાર્તામાં ચુલબુલ પાંડેને યુવાન દેખાડવા માટે આ ટેકનોલોજીનો ઉપયોગ કરવામાં આવશે. 

દબંગ સિરિઝની આ ત્રીજી ફિલ્મમાં અરબાઝ ખાન એટલે કે મખ્ખી પાંડેને પણ અલગ લુકમાં દેખાડવામાં આવશે. આ ફિલ્મમાં સોનાક્ષી સિંહા પણ જોવા મળશે. આ ફિલ્મમાં સલમાન એક જબરદસ્ત આઇટમ સોંગ પણ કરવાનો છે. આ ફિલ્મ હવે ક્રિસમસના પ્રસંગે રિલીઝ થશે.