છવાય ગયું 'Street Dancer 3D'નું નવુ ગીત 'દુવા કરો' કાચ પર ડાન્સ કરતો જોવા મળ્યો વરૂણ

નવી દિલ્હીઃ વરૂણ ધવન (Varun Dhawan), શ્રદ્ધા કપૂર (Shraddha Kapoor) અને નોરા ફતેહી (Nora Fatehi) સ્ટારર મોસ્ટ અવેટેડ ફિલ્મ 'સ્ટ્રીટ ડાન્સર 3ડી (Street Dancer 3D)' હવે રિલીઝ થવા તૈયાર છે.' ફિલ્મનું શાનદાર ટ્રેલર અને અત્યાર સુધી રિલીઝ થયેલા બંન્ને ગીત ખુબ ચર્ચામાં છે. તો ફિલ્મનું વધુ એક ટ્રેક 'દુવા કરો' રિલીઝ થઈ ચુક્યું છે. 

આ પહેલાના ગીતમાં વરૂણ ધવન (Varun Dhawan), શ્રદ્ધા કપૂર (Shraddha Kapoor), પ્રભુદેવા અને નોરા ફતેહીનો જલવો જોવા મળ્યો હતો. તો હવે આ ગીતને સંપૂર્ણ રીતે વરૂણ ધવનને ફોકસ કરીને શૂટ કરવામાં આવ્યું છે. ફિલ્મની કહાનીની ઝલક આ ગીતના વીડિયોમાં જોવા મળી રહી છે. જુઓ આ VIDEO... 

આ ગીતને અરિજીત સિંહ, બોહેમિયાં અને સચિન-જીગરે પોતાનો અવાજ આપ્યો છે, તો આ ગીતનું સંગીત પણ સચિન-જીગરે આપ્યું છે. આ ગીતના લિરિક્સ પ્રિયા સરાઇયાએ લખ્યા છે. 

આ ફિલ્મની વાત કરીએ તો 'સ્ટ્રીટ ડાન્સર 3ડી (Street Dancer 3D)' વર્ષ 2013માં આવેલી ફિલ્મ 'એબીસીડી'નો ત્રીજો ભાગ છે. તેનો બીજો ભાગ 2015માં રિલીઝ થયો હતો. 'સ્ટ્રીટ ડાન્સર 3ડી (Street Dancer 3D)માં ફિલ્મ ફ્રેન્ચાઇઝીના જૂના કલાકારોની સાથે જાણીતી ડાન્સર અને અભિનેત્રી નોરા ફતેહીની એન્ટ્રી થઈ ચુકી છે. 

આ ડાન્સ બેસ્ડ ફિલ્મનું દિગ્દર્શન જાણીતા કોરિયોગ્રાફર અને ડાયરેક્ટર રેમો ડિસૂજાએ કર્યું છે. આ ફિલ્મને ટી સિરીઝના બેનર હેઠળ રિલીઝ કરવામાં આવી રહી છે. ફિલ્મ 24 જાન્યુઆરીએ રિલીઝ થવાની છે. 

જુઓ LIVE TV