Trailer: માતાનું મોત અને 2 વર્ષની દીકરી ઘરમાં એકલી, રૂંવાડા ઉભા કરી દેતો વીડિયો

ફિલ્મના ટ્રેલરને કારણે ભારે ઉત્સુકતા વધી ગઈ છે

મુંબઈ : બોલિવૂડમાં હાલમાં નવીનવી વાર્તાઓના આધારે ફિલ્મો બની રહી છે. 'અંધાધુન' જેવું ટ્રેલ અને 'બધાઇ હો' જેવી હટકે ફિલ્મ પછી હવે ડિરેક્ટર વિનોદ કાપરીની 'પિહુ'નું ટ્રેલર સામે આવ્યું છે. આ વાર્તા માત્ર 2 વર્ષની દીકરી પિહુની છે જે મલ્ટીસ્ટોરી બિલ્ડિંગના ફ્લેટમાં એકલી છે. 

ટ્રેલરની શરૂઆતમાં નાનકડી પિહુ નિંદરમાંથી ઉઠીને છે અને રમતાંરમતાં એકાએક ફ્રિઝમાં પુરાઈ જાય છે. આ પછી નાનકડી બાળકી સાથે ઘણું બધું થાય છે. પિહુ પોતાની માતાને શોધતાશોધતા પહોંચે છે તો એને બેડ પર મૃત દેખાડવામાં આવે છે. આ ટ્રેલરનું અંતિમ દ્રશ્ય દિલધડક છે. 

હાલમાં આ ફિલ્મનું પોસ્ટર રિલીઝ કરવામાં આવ્યું હતું જેને જોઈને ફિલ્મ જોવાની દર્શકોની ઉત્સુકતા વધી ગઈ છે. આ ફિલ્મમાં બે વર્ષની બાળકીએ બહુ ચેલેન્જિંગ કામ કર્યું છે. આ ફિલ્મને રોની સ્ક્રુવાલા અને સિદ્ધાર્થ રોય કપૂરે પ્રોડ્યુસ કરી છે અને એ 16 નવેમ્બરે રિલીઝ થવાની છે.