ગુજરાત યુનિવર્સિટીના સિન્ડિકેટની ચૂંટણીમાં કોંગ્રેસના 1 જ્યારે ભાજપના 2 સભ્યોનો વિજય

અતુલ તિવારી/અમદાવાદ: ગુજરાત યુનિવર્સિટીના સિન્ડિકેટ સભ્યો માટે યોજાયેલી ચૂંટણીના પરિણામ જાહેર થયા છે. જેમાં કોંગ્રેસના એક સભ્ય જ્યારે ભાજપના 2 સભ્યોનો વિજય થયો છે. જેમાં કોંગ્રેસના ઇન્દ્રવીજયસિંહ ગોહિલ તો ભાજપના કૌશિક જૈન અને ધ્રુમિલ પટેલનો સમાવેશ થાય છે.

જનરલ કેટેગરીના ત્રણ સભ્યો માટે યોજાયેલી આ ચૂંટણીમાં 8 ઉમેદવારોએ ફોર્મ ભર્યા હતા. જેમાંથી 2 ઉમેદવારઓએ અંતિમ દિવસ સુધી ફોર્મ પરત ખેંચી લેતા 2 કોંગ્રેસના અને 4 ભાજપના એમ કુલ 6 ઉમેદવારો વચ્ચે ચૂંટણી યોજાઈ હતી. આ ચૂંટણીમાં કુલ 108 માંથી 103 મતદારોએ મતદાન કર્યું હતું. 

સિન્ડિકેટની 27 માંથી 13 સભ્યો માટે ચૂંટણી જાહેર કરાઇ હતી. જેમાંથી 10 સભ્યો બિનહરીફ જાહેર થયા હતા. ત્યારે જનરલ કેટેગરીના 3 સભ્યો માટે ચૂંટણી યોજાઈ હતી. ચૂંટણીના પરિણામ જાહેર કરતા ગુજરાત યુનિવર્સિટીમાં ડીજેના તાલે યુવાનોએ ડાન્સ કરતા તેમજ ફટાકડા ફોડી ઉજવણી કરી હતી. ઉલ્લેખનીય છે કે સિન્ડિકેટની આ ચૂંટણીમાં સવારથી જ રસાકસી જેવો માહોલ જોવા મળ્યો હતો.