કચ્છમાં આજે સવારે 3.3ની તીવ્રતાનો ભૂકંપનો આંચકો

કચ્છની ધરતી ફરી એકવાર ધ્રૂજી છે. આજે સવારે 9 કલાક આસપાસ અહીં ભૂકંપનો આંચકો નોંધાયો છે.

કચ્છઃ કચ્છમાં ફરી ભૂકંપનો આંચકો અનુભવાયો છે. આજે સવારે 9.05 મિનિટ પર આ આંચકો આવ્યો હતો. આ આંચકાની તીવ્રતા 3.3 નોંધાઈ છે. કચ્છના દુધઈથી નોર્થ-ઈસ્ટમાં 11.8 કિમી દૂર આ આંચકો નોંધાયો છે. મહત્વનું છે કે ભૂકંપના આ આંચકાથી જાન-માલને કોઈ નુકસાન થયું નથી. શિયાળાની સીઝનમાં ઠંજીમાં થઈ રહેલી વધઘટને કારણે કચ્છમાં ભૂકંપના ઝટકા આવતા રહે છે.