Drishti 10 Starliner Drones: અદાણી ડિફેન્સનું ડ્રોન પોરબંદરમાં થશે તૈનાત: દુશ્મનોના છક્કા છોડાવશે, આવી છે ખાસિયતો

Drishti 10 Starliner Drones: ગુજરાતના પોરબંદરમાં ટૂંક સમયમાં એક નવું MALE ડ્રોન નૌકાદળ માટે તૈનાત કરવામાં આવશે. નેવી ચીફ એડમિરલ આર. હરિ કુમારે આજે દેશ સમક્ષ આ ડ્રોનને રજૂ કર્યું હતું. આ ડ્રોન અદાણી ડિફેન્સ દ્વારા બનાવવામાં આવ્યું છે. જે અરબી સમુદ્રમાં ચાંચિયાઓ પર નજર રાખવામાં ઉપયોગી થશે. આ અદાણી ડિફેન્સ દ્વારા બનાવવામાં આવેલ Drishti 10 ડ્રોન છે.

Adani Defence: રબી સમુદ્રમાં ડ્રોન હુમલાઓ વચ્ચે, ભારતીય નૌકાદળના કાફલામાં દેખરેખ માટે ઘાતક સ્વદેશી ડ્રોન ઉમેરવામાં આવી રહ્યું છે. તાજેતરમાં અરબી સમુદ્રમાં જે રીતે અનેક માલવાહક જહાજોને ડ્રોન દ્વારા નિશાન બનાવવામાં આવ્યા હતા. આવી સ્થિતિમાં, દેખરેખ માટે ભારતીય નૌકાદળના કાફલામાં ઘાતક ડ્રોન સામેલ થવા જઈ રહ્યું છે. Drishti 10 નામનું આ MALE ડ્રોન દેશમાં જ બનાવવામાં આવ્યું છે. 

Drishti 10 'સ્ટારલાઇનર' ડ્રોન એ સ્વદેશી માનવરહિત એરિયલ વ્હીકલ (UAV) છે. જેને હૈદરાબાદના એરોસ્પેસ પાર્કમાં અદાણી ડિફેન્સ અને એરોસ્પેસ કંપની દ્વારા બનાવવામાં આવ્યું છે. આ ડ્રોન હૈદરાબાદથી ગુજરાતના પોરબંદર સુધી ઉડાન ભરશે. જ્યાં તેને નેવીમાં સામેલ કરવામાં આવશે. તેને ત્યાં પણ તૈનાત કરવામાં આવશે.

એડમિરલ આર. હરિ કુમારે કહ્યું કે Drishti 10 તેની એડવાન્સ ઈન્ટલિજન્સ સિસ્ટમ અને સર્વેલન્સ માટે જાણીતું છે. 36 કલાકનો ચાર્જિંગ પાવર અને 450 કિગ્રા પેલોડ ક્ષમતા સાથે આ પોતાનામાં એક બહેતરીન ડ્રોન છે. આ સાથે તેને STANAG 4671 પ્રમાણપત્ર પણ પ્રાપ્ત થયું છે. આ એકમાત્ર ડ્રોન છે જે કોઈપણ પ્રકારના હવામાનમાં કામ કરી શકે છે. આ ડ્રોન સેગ્રીગેટેડ અને અન સેગ્રીગેટેડ બંને એરસ્પેસમાં ઉડી શકે છે.

#WATCH | Indian Navy chief Admiral R Hari Kumar unveils the Drishti 10 Starliner drones manufactured by Adani Defence in Hyderabad.

The firm said the drone is an advanced Intelligence, Surveillance and Reconnaissance (ISR) platform with 36 hours of endurance, 450 kgs payload… pic.twitter.com/tfdSYImRuX

— ANI (@ANI) January 10, 2024

અદાણી સંરક્ષણ પ્રમુખ આશિષ રાજવંશીએ જણાવ્યું હતું કે Drishti 10 'સ્ટારલાઇનર' ભારતનું પ્રથમ માનવરહિત ડ્રોન છે જે સ્વદેશી રીતે બનાવવામાં આવ્યું છે. આ Elbits Hermes 900 MALE (Medium Altitude Long Range Drone - MALE Drone) છે. તે બહુવિધ હાર્ડ પોઈન્ટ્સ અને 250 કિગ્રા મોડ્યુલર ઈન્ટરનલ ઇન્સ્ટોલેશન બેઝ સાથે આવે છે.

આ ડ્રોન એ સંરક્ષણ ક્ષેત્રે સ્વદેશીકરણને પ્રોત્સાહન આપશે. ભારતીય સેના પણ આવા બે ડ્રોન લઈ રહી છે. આર્મી એવિએશનના મહાનિર્દેશક, લેફ્ટનન્ટ જનરલ અજય સૂરીએ જણાવ્યું હતું કે ભારતીય નૌકાદળ અને ભારતીય સેનાએ સેટેલાઇટ સંચાર-સક્ષમ ડ્રોનની આકસ્મિક જરૂરિયાતને પહોંચી વળવા માટે બે ડ્રોનનો ઓર્ડર આપ્યો છે.