અમદાવાદ એરપોર્ટ બન્યું દેશનું સૌથી બિઝી એરપોર્ટ : અત્યાર સુધીના સૌથી વધુ મુસાફરો 2023 માં નોંધાયા

Ahmedabad Airport : વર્ષ 2023માં મુસાફરોથી ધમધમ્યું અમદાવાદ એરપોર્ટ...ગત વર્ષે 11 કરોડ 65 લાખ મુસાફરોએ કરી અવરજવર...10 વર્ષમાં અમદાવાદ એરપોર્ટથી હવાઈ મુસાફરોમાં 25 ગણો વધારો..

Ahmedabad News : અમદાવાદના ઈન્ટરનેશનલ એરપોર્ટ પર વર્ષ 2023માં કુલ અધધ 11.65 કરોડ મુસાફરો નોંધાયા છે. એટલે કે અમદાવાદ એરપોર્ટ પર દૈનિક 32 હજાર મુસાફરોએ અવજવર કરી છે. અમદાવાદ એરપોર્ટ પર 2014માં કુલ 48.09 લાખ મુસાફરોની અવરજવર નોંધાઈ હતી. આમ, 10 વર્ષમાં અમદાવાદ એરપોર્ટથી હવાઈ મુસાફરોમાં 25 ગણો જેટલો વધારો થયો છે. 

છેલ્લાં 12 મહિનામાં કેટલા મુસાફરોએ અમદાવાદ એરપોર્ટથી મુસાફરી કરી તેની વાત કરીએ તો...

• જાન્યુઆરીમાં 10 લાખ 60 હજાર 877 મુસાફરો
• ફેબ્રુઆરીમાં 9 લાખ 75 હજાર 680 મુસાફરો
• માર્ચ મહિનામાં 10 લાખ 9 હજાર 680 મુસાફરો
• એપ્રિલ મહિનામાં 9 લાખ 43 હજાર 56 મુસાફરો
• મે મહિનામાં 10 લાખ 1 હજાર 307 મુસાફરો
• જૂન મહિનામાં 9 લાખ 48 હજાર 383 મુસાફરો
• જુલાઈ મહિનામાં 9 લાખ 34 હજાર 223 મુસાફરો
• ઓગસ્ટ મહિનામાં 9 લાખ 32 હજાર 223 મુસાફરો
• સપ્ટેમ્બર મહિનામાં 9 લાખ 43 હજાર 344 મુસાફરો
• ઓક્ટોબર મહિનામાં 8 લાખ 87 હજાર 113 મુસાફરો
• નવેમ્બર મહિનામાં 10 લાખ 4 હજાર 586 મુસાફરો
• ડિસેમ્બર મહિનામાં 9 લાખ 91 હજાર 498 મુસાફરો

અમદાવાદના ઈન્ટરનેશનલ એરપોર્ટ પર વર્ષ 2023માં કુલ 11.65 કરોડ મુસાફરો નોંધાયા છે. જે બતાવે છે કે એક જ વર્ષમાં અમદાવાદ એરપોર્ટ કેટલુ ધમધમતુ એરપોર્ટ બન્યું છે. અમદાવાદ એરપોર્ટ પર દૈનિક 32 હજાર મુસાફરોએ અવજવર કરી છે. 10 વર્ષમાં અમદાવાદ એરપોર્ટથી હવાઈ મુસાફરોમાં 25 ગણો જેટલો વધારો થયો છે. 

આમ, દરેક ઈન્ટરનેશનલ ફ્લાઈટમાં સરેરાશ 167 અને ડોમેસ્ટિક ફ્લાીટમાં સરેરાશ 126 મુસાફરો નોંધાયા છે. વર્ષ 2023 માં કુલ 18.73 લાખ ઈન્ટરનેશનલ અને 97.85 લાખ ડોમેસ્ટિક મુસાફરોની અવરજવર આ એરપોર્ટ પર રહી. જે વર્ષ 2014 માં માત્ર 11.73 લાખ ઈન્ટરનેશનલ અને 36.48 લાખ ડોમેસ્ટિક મુસાફરો હતો. આમ, આ આંકડો બતાવે છે કે, ઈન્ટરનેશનલ મુસાફરોમાં અંદાજે 60 ટકા, જ્યારે કે ડોમેસ્ટિક મુસાફરોમાં 170 ટકાનો વધારો નોંધાયો છે.