હવે તમે કેમેરાની નજરમાં છો! શહેરના તમામ PI પર કસાયો સકંજો, તમામ ગતિવિધિનો હવે રેકોર્ડ રહેશે

Ahmdabad Police: અગાઉ ડીસ્ટાફની ઓફિસ, PIની ચેમ્બરમાં CCTV નહોતા, હાઈકોર્ટની ટકોર બાદ લગાવાયા. શહેરના તમામ પીઆઈ હવે CCTV કેમેરાની નજરમાં છો, 24 કલાક વોચ રહેશે. પીઆઈને કોણ મળવા આવ્યું, શું વાત થઈ તે તમામ ગતિવિધિનો હવે રેકોર્ડ રહેશે.

Ahmedabad Police: અમદાવાદમાં દિવસેને દિવસે ટ્રાફિકની સમસ્યામાં વધતી જઈ રહી છે. જેને લઈને ગુજરાત હાઈકોર્ટે પણ ઘણીવાર ટ્રાફિક પોલીસને ફટકાર લગાવી છે. તેમ છતાં સમસ્યાનો કોઈ ઉકેલ દેખાતો નથી. પરંતુ હવે એવું નહીં બને..કારણ કે શહેરના તમામ પીઆઈ હવે CCTV કેમેરાની નજરમાં હશે, તેમના પર 24 કલાક વોચ રહેશે. હાઈકોર્ટની ટકોર બાદ તમામ ગતિવિધિનો હવે રેકોર્ડ રહેશે. એટલું જ નહીં, પીઆઈને કોણ મળવા આવ્યું, શું વાત થઈ તે તમામ ગતિવિધિનો હવે રેકોર્ડ રહેશે. અગાઉ ડીસ્ટાફની ઓફિસ અને PIની ચેમ્બરમાં CCTV નહોતા. પરંતુ હવે એવું નહીં બને.

સ્ટેશનની અંદર ચાલતી તમામ ગતિવિધિઓ પર રખાશે નજર
અમદાવાદ શહેરના તમામ પોલીસ સ્ટેશનના પીઆઈની ઓફિસમાં સીસીટીવી કેમેરા લગાવવામાં આવ્યા છે. જી હા...તેનાથી પોલીસ સ્ટેશનના પીઆઈ સીધા જ કેમેરાની નજર સામે હશે, અને સ્ટેશનની અંદર ચાલતી તમામ ગતિવિધિઓ પર નજર રાખવામાં આવશે. તમને જણાવી દઈએ કે શહેરના તમામ પોલીસ સ્ટેશનોમાં સીસીટીવી લગાવવા ગુજરાત હાઈકોર્ટે અવાર ગૃહ વિભાગ અને ડીજીપીને ટકોર કરી રહી હતી. જેના ભાગરૂપે પોલીસ સ્ટેશનના પીએસઓની કેબિન, લોકઅપ, ફરિયાદ રૂમ, વેઈટિંગ રૂમ, પોલીસ સ્ટેશનની બહારનો વિસ્તાર કવર થાય તે રીતે સીસીટીવી કેમેરા લગાવાયા હતા. 

એક અઠવાડિયાની તમામ પોલીસ સ્ટેશનના PIની ઓફિસમાં હશે સીસીટીવી કેમેરા
હવે જે તે પોલીસ સ્ટેશનમાં પીઆઈની ઓફિસમાં લાગેલા કેમેરાથી જોઈ શકાશે કે પીઆઈ પોલીસ સ્ટેશનમાં હાજર છે કે નહીં, ચેમ્બરમાં બેઠા બેઠા કોની સાથે શું વાત કરી રહ્યા છે, પીઆઈને મળવા કોણ આવી રહ્યું છે, તે તમામ બાબતો ઉપર હવે બાજ નજર રહેશે. છેલ્લા એક અઠવાડિયાની અંદર તમામ પોલીસ સ્ટેશનના પીઆઈની ચેમ્બરોમાં સીસીટીવી કેમેરા દેવામાં પરબાજ નજર રાખી શકાશે. 

ફરજિયાત 1 મહિનાનું રાખવું પડશે રેકોર્ડિંગ
સ્ટેશનોમાં લાગેલા સીસીટીવી કેમેરાનું રેકોર્ડિંગ 1 મહિના સુધી ફરજિયાત રાખવું પડશે. તેવી જ રીતે પીઆઈની ચેમ્બરમાં લાગેલા સીસીટીવી કેમેરાનું ઓડિયો અને વીડિયો રેકોર્ડિંગ પણ રાખવું પડશે. જેથી ચેમ્બરમાં બેઠા બેઠા પીઆઈએ કોની સાથે શું વાત કરી અને તેમને મળવા કોણ આવ્યું હતું તેનો તમામ રેકોર્ડ રહી શકે. 

કેટલાક PI તો સમયસર આવતા થઈ ગયા 
આપણે ઘણીવાર જોયું હશે કે મોટાભાગના પોલીસ સ્ટેશનના પીઆઈ હાજર હોતા નથી, અથવા તો મોડા આવતા હોય છે, પરંતુ સીસીટીવી લાગી જવાથી કેટલાક પીઆઈ હવે 10 વાગ્યે પોલીસ સ્ટેશન આવવાનું ચાલુ કરી દીધું છે. જ્યારે કેટલાકે તો બપોરે ઘરે જમવા જવાનું પણ બંધ કરી દીધું છે અને સતત કેબિનમાં જ હાજર રહે છે.