રાજકોટમાં આ પાટીદાર અભિનેત્રીના પિતાની ઓડિયો ક્લિપ વાયરલ, થયા ચોંકાવનારા ખુલાસા

Patidar Girl Allegation On Rajkot Police: રાજકોટમાં પાટીદાર પરિવારની મિલકતનો વિવાદ વધુ ગરમાયો છે. અભિનેત્રી ક્રિસ્ટિના પટેલે વધુ એક વીડિયો શૅર કર્યો છે. હું પ્રોપર્ટી માટે કંઈ કરી રહી નથી. પ્રોપર્ટી અંગેનો નિર્ણય કોર્ટ કરશે એ માન્ય રહેશે. મારી મમ્મી પર કરવામાં આવેલા હુમલાના મુદ્દાને પ્રોપર્ટી સાથે જોડીને ટ્વિસ્ટ કરવામાં આવી રહ્યો છે. ક્રિસ્ટીનાએ વીડિયોમાં તેના પિતાની એક ઓડિયો પણ વાયરલ કરી. તેમના મોટાભાઈ અને આનંદના કારણે મરવાની વાતો કરી રહ્યાં છે. 9 લાખ રૂપિયા આનંદ પાસેથી લેવાના બાકી હોવાનો ઉલ્લેખ કરવામાં આવ્યો છે.

Patidar Girl Allegation On Rajkot Police:  અભિનેત્રી ક્રિસ્ટિના પટેલએ જણાવ્યું હતું કે મારી જે વાત છે મારો જે મુદ્દો છે તેને ટ્વીસ્ટ કરવામાં આવી રહ્યો છે મારા પરિવાર તરફથી અને એવું કહેવામાં આવી રહ્યું છે કે હું પૈસા અને પ્રોપર્ટી માટે આ કરી રહી છું. હું પ્રોપર્ટી માટે આ કશું કરી રહી નથી, પ્રોપર્ટી માટે જે થશે એ કોર્ટમાં થશે, લીગલી જે હશે એ થશે. મારો મુદ્દો એ જ છે કે મારા ભાઈ અને મારા મોટા પપ્પા બિપીનભાઈ મારા ઘરે આવ્યા હતા. 

મારી માતા ઉપર હુમલો કર્યો હતો, એ મારો મુદ્દો છે. મારી માતા સુરક્ષિત નથી. આ સિવાય મારો કોઈ મુદ્દો નથી. કાલે મારી પાસે અરજી પોલીસે લીધેલ છે અને હવે એમનું નિવેદન લેવામાં આવશે તેવું કીધું છે અને એમના નિવેદન બાદ આગળ શું કરવું એ પછી તમને જણાવીશું આવું પોલીસ કહી રહી છે. મને ભરોસો છે પોલીસ ઉપર એ કરશે કાર્યવાહી.

શું છે સમગ્ર ઘટના?
મુંબઈ રહેતી એક્ટ્રેસ ક્રિસ્ટીના પટેલે રાજકોટ પોલીસ પર આરોપ લગાવ્યા હતા. કડવા પાટીદાર સમાજની દીકરી અને એક્ટ્રેસ ક્રિસ્ટીના પટેલે સોશ્યલ મીડિયામાં વીડિયો પોસ્ટ કર્યો છે. પિતા પરેશ અમૃતલાલ અમૃતિયાના અવસાન બાદ માતા-પુત્રીની મિલકત હડપ કરવા પરિવારજનો હેરાન કરતા હોવાના આરોપ લગાવ્યો. માતા અંજુબેન ઘરે એકલા હતા ત્યારે ઘરમાં બળજબરી થી ઘુસી માર માર્યો હોવાનો આરોપ લગાવ્યો. રાજકોટ પોલીસમાં જાણ કરી છતાં ફરિયાદ લેવામાં ન આવતી હોવાનું જણાવ્યું. સાથે જ પરિવારજનો ઘરમાં આવતા અને હુમલો કરતા CCTV જાહેર કરવામાં આવશે.

અભિનેત્રી ક્રિસ્ટીના પટેલે સોશિયલ મીડિયામાં વીડિયો પોસ્ટ કરી રાજકોટ પોલીસ પર આરોપ લગાવ્યો હતો કે મોટા કાકા ભાજપના નેતા હોવાથી રાજકોટ પોલીસ તેની ફરિયાદ ન લેતી હોવાના આક્ષેપથી ક્રિસ્ટીના પટેલે રડતો વીડિયો હાલ સામે આવ્યો છે.  પિતાના અવસાન બાદ સંબંધીઓ મિલકત માટે પરેશાન કરતા હોવાનો દાવો ક્રિસ્ટીના પટેલે કર્યો છે. તેણે કહ્યું કે, અભિનેત્રીના માતા એકલા હતા ત્યારે કેટલાક લોકો ઘરે આવ્યા હતા. બળજબરીથી ઘરમાં ઘુસી માતાને માર માર્યો હતો. મે પોલીસને જાણ કરી છતાં ફરિયાદ ન લીધાનો આરોપ અભિનેત્રીએ લગાવ્યો હતો. 

અભિનેત્રીએ મૃતક પિતા પરેશ અમૃતિયાના ભાઈ સામે અરજી આપી છે અને સાથે પિતાની હત્યા થઈ હોવાની આશંકા પણ વ્યક્ત કરી છે. અભિનેત્રીએ તેના સંબંધી દિનેશભાઈ અમૃતિયા પર આરોપ લગાવ્યા. દિનેશ અમૃતિયા ભાજપના નેતા હોવાથી પોલીસ દ્વારા કોઈ પગલાં ન લેવાયાનો આરોપ તેણે લગાવ્યો. દિનેશ અમૃતિયા જસદણ ભાજપના પ્રભારી છે.   

ક્રિસ્ટીના પટેલે પિતા પરેશ અમૃતિયાના ભાઈઓ વિરુદ્ધ અરજી આપી છે. જેમાં આનંદ દિનેશભાઈ અમૃતિયા, દિનેશ અમૃતભાઈ અમૃતિયા, બીપીનભાઈ અમૃતિયા, અશોકભાઈ અમૃતિયા સામે ફરિયાદ કરી છે. ભત્રીજીના આક્ષેપ બાદ દિનેશ અમૃતિયા મીડિયા સમક્ષ આવ્યા. દિનેશ અમૃતિયાએ કહ્યું કે, મા-દીકરી મિલકતમાં ભાગ લેવા આવી છે. 14 વર્ષ ક્યાં હતી, મિલકતમાં ભાગ લેવા આવી ગયા છે. મારા ભાઈનું મોત થયું ત્યારે પણ અમે જાણ કરી હતી. હવે મિલકતોમાં ભાગ લેવા માટે આવી ગયા છે.