તોબા તોબા... ગેનીબેન ઠાકોરનો સગો ભાઇ જ દારૂ સાથે ઝડપાયો, દારૂ પીને બકવાસ કરતો હતો

Geniben Thakor : બનાસકાંઠાનું વાતાવરણ ગરમાયું છે. દારૂબંધી ઉપર અને જિલ્લા પોલીસ ઉપર અનેક સવાલો ઉઠાવનાર ગેનીબેન ઠાકોરનો સગો ભાઈ પીધેલી હાલતમાં દારૂ સાથે પકડાતા હડકંપ મચી ગયો

Banaskantha News : કોંગ્રેસના વાવના ધારાસભ્ય ગેનીબેન ઠાકોર ઉત્તર ગુજરાતના રાજકારણના સૌથી આક્રમક નેતા ગણાય છે. તેમની પોપ્યુલારિટી પણ એટલી જ છે. ગેનીબેને અનેકવાર દારૂના વેચાણ સામે કડક કાર્યવાહી કરવાની માંગ કરી છે. તેઓએ જનતા રેડ કરીને દારૂ વેચનારાઓને પકડાવ્યા છે, તો દારૂ બનતી ભઠ્ઠીઓનો પણ ખેલ ખુલ્લો પડ્યા છે. આવામાં ગેનીબેન ઠાકોરનો સગો ભાઈ જ દારૂ સાથે ઝડપાયો છે. વાવના કોંગ્રેસના ધારાસભ્ય ગેનીબેન ઠાકોરના ભાઈ પાસેથી 2 વિદેશી દારૂના ક્વાર્ટર મળી આવ્યા હતા.

પ્રાપ્ત માહિતી અનુસાર, LCB પોલીસને ભાભરના અબાસણા ગામે જાહેરમાં દારૂ પીને એક વ્યક્તિ બકવાસ કરતો હોવાની બાતમી મળી હતી. જેના બાદ પોલીસે રેડ પાડી હતી. પોલીસે રેડ કરતા ગેનીબેન ઠાકોરના સગાભાઈ રમેશજી ઠાકોર પીધેલી હાલતમાં મળી આવ્યો હતો. પોલીસે રમેશજી ઠાકોર પાસેથી વિદેશી દારૂના 2 ક્વાર્ટર કર્યા જપ્ત કર્યા હતા. 

તોબા તોબા... ગેનીબેન ઠાકોરનો સગો ભાઇ જ દારૂ સાથે ઝડપાયો, દારૂ પીને બકવાસ કરતો હતો#genibenthakor #viral #viralvideo #GujaratPolice #alcohol #ZEE24KALAK pic.twitter.com/86yNhKo6Zz

— Zee 24 Kalak (@Zee24Kalak) July 13, 2023

ગેનીબેનના ભાઈ રેમશજી ઠાકોર પીધેલી હાલતમાં હોવાનો પોલીસનો આક્ષેપ છે. ભાભર પોલીસે ગેનીબેન ઠાકોરના ભાઈ રમેશજી ઠાકોરની અટકાયત કરી વધુ તપાસ હાથ ધરી છે. પંરતુ આ વચ્ચે બનાસકાંઠાનું વાતાવરણ ગરમાયું છે. દારૂબંધી ઉપર અને જિલ્લા પોલીસ ઉપર અનેક સવાલો ઉઠાવનાર ગેનીબેન ઠાકોરનો સગો ભાઈ પીધેલી હાલતમાં દારૂ સાથે પકડાતા હડકંપ મચી ગયો છે. ભાભર પોલીસ મથકે રમેશ નગાજી ઠાકોર અને પ્રહલાદ મણાજી ઠાકોર વિરુદ્ધ પ્રોહીબિશન હેઠળ ગુનો દાખલ કરવામાં આવ્યો છે.

ભાઈના પકડાવા પર ગેનીબેનની પ્રતિક્રીયા

વાવના ધારાસભ્ય ગેનીબેન ઠાકોરની ભાઈની ધરપકડ મામલે પ્રતિક્રિયા સામે આવી છે. ગેનીબેને કહ્યું કે, દારૂની બદી સામે અમારી લડાઈ ચાલી રહી છે. અમારી લડાઈના કરણે પોલીસની લાઈન બંધ થઈ છે. અન્ય સ્થળે નોકરી કરતા પોલીસ કર્મીઓ હાજર હતા. ભૂતકાળમાં અમારા પર દબાણ કરવામા આવ્યું હતું. પોલીસ કાયદાકીય રીતે પોતાનું કામ કરી શકે છે.