દેવ દિવાળીની સવાર મરણચીસોથી ગુંજી, અકસ્માતમાં ભાવનગરના પરિવારને કાળ ભરખી ગયો, 3 ના કમકમાટીભર્યા મોત

Accident News : અંકલેશ્વર-સુરત સ્ટેટ હાઇવે પર ગમખ્વાર અકસ્માત, 3નાં મોત...કારચાલકને ઝોકું આવ્યું ને ધડાકાભેર વૃક્ષ સાથે ભટકાઈ, સુરત જઈ રહેલા ભાવનગરના પરિવારને અકસ્માત નડ્યો

Accident News : ભરૂચના હાંસોટના શેર ગામ નજીક દેવ દિવાળીની વહેલી સવારે ગમખ્વાર અકસ્માત સર્જાયો છે. પૂરપાટ ઝડપે જતી કાર વૃક્ષ સાથે અથડાતા કારમાં સવાર ત્રણ લોકોના કમકમાટીભર્યા મૃત્યુ થયા છે. ભાવનગરથી સુરત પરિવાર જઈ રહ્યો હતો ત્યારે  અકસ્માત સર્જાયો હતો. વહેલી સવારે બનેલી ઘટનાની તપાસ શરૂ કરવામાં આવી છે. 

પ્રાપ્ત માહિતી અનુસાર, ભરૂચના હાંસોટના શેરા ગામ નજીક ગમખ્વાર માર્ગ અકસ્માતમાં એક જ પરિવારના ત્રણ લોકોના કમકમાટીભર્યા મોત નિપજ્યા છે. ભાવનગરનો પરિવાર કારમાં સવાર થઈને સુરત જઈ રહ્યો હતો. ત્યારે પુર ઝડપે જતી કાર વૃક્ષ સાથે ભટકાતા અકસ્માત સર્જાયો હતો. 

કારમાં સવાર 3 લોકોના ઘટનાસ્થળે જ મોત નિપજ્યા હતા. પરિવાર ભાવનગરથી સુરત જઇ રહ્યો હતો એ દરમ્યાન ગાડીને અકસ્માત નડ્યો હતો. વહેલી સવારે બનેલી આ ઘટનાથી હાઈવે પર મરણચીસો ગુંજી ઉઠી હતી. હાંસોટ પોલીસે આ મામલે તપાસ શરૂ કરી છે.