ગુજરાતમાં કોરોનાનો વિસ્ફોટ, કુલ કેસ 695, જેમાંથી અમદાવાદના જ 404

હિતલ પારેખ/ગાંધીનગર :ગુજરાતમાં કોરોનાના નવા કેસમાં સતત વધારો થઈ રહ્યો છે. આજે બુધવારે કોરોના પોઝિટિવના 56 નવા કેસો સામે આવ્યા છે. આ સાથે જ ગુજરાતમા કોરોનાના કેસનો આંકડો 695 પર પહોંચી ગયો છે. તો અમદાવાદમા જ કુલ કેસ 404 થયા છે. તો બીજા નંબરે વડોદરામાં કોરોનાના કેસ સતત વધી રહ્યાં છે. વડોદરામાં કુલ કેસ 116 પર પહોંચી ગયા છે. તો સુરત 48 કેસ સાથે ત્રીજા નંબરે છે. તો ભાવનગરમાં 26, રાજકોટમાં 18 અને ગાંધીનગર 16 કેસ છે. આજે કોરોનાના કારણે બે દર્દીના મોત થયા છે. જેમાં વડોદરામાં 14 વર્ષીય બાળકી અને સુરતમાં 45 વર્ષીય મહિલાનું મોત નિપજ્યું હતું.