દિવાળીમાં ગુજરાતીઓનું મોસ્ટ ફેવરિટ બની રહ્યું છે દમણ, રંગબેરંગી લાઇટિંગથી શણગારાયું!

નિલેશ જોશી/દમણ: દિપાવલીને પ્રકાશનું પર્વ માનવામાં આવે છે. જેમાં પ્રકાશનું વિશેષ મહત્વ હોય છે. ત્યારે રાજ્યના પડોશમાં આવેલા સંઘ પ્રદેશ દમણમાં પણ દિવાળીને હર્ષોલ્લાસ પૂર્વક ઉજવણી કરવામાં આવી રહી છે.

મહત્વપૂર્ણ છે કે દરિયા કિનારે આવેલું દમણ સમગ્ર દેશના પર્યટકો માટે જાણીતું સ્થળ છે. દમણના કિલ્લા દરિયા કિનારો અને દરિયાકિનારોનો નમો પથ પર્યટકોમાં આકર્ષણ જમાવી રહ્યો છે. દિવસે તો દમણ સુંદર જ લાગે છે. પરંતુ દમણની સુંદરતા દિવસ કરતાં રાત્રે વધારે નીખરે છે. કારણ કે દમણમાં તમામ જાહેર જગ્યા ઉપર રંગબેરંગી લાઇટિંગ કરવામાં આવી છે. 

દમણના પુલ કિલ્લા દરિયા કિનારા ને રંગબેરંગી લાઈટથી શણગારવામાં આવ્યા છે. આમ દિવાળીના તહેવાર નિમિત્તે દમણને દુલ્હનની જેમ શણગારવામાં આવ્યું છે. આથી દિવસની સાથે મોટી સંખ્યામાં પર્યટકો પરિવાર સાથે રાત્રે પણ દમણના લાઇટ્ જોવા આવે છે. પરિવાર સાથે લોકો દમણના રાતના નજારાનો આનંદ માણે છે.