એક કિલો પ્રતિ બારદન કપાતનો નિયમ બદલાયો! હવે ખેડૂતોને થશે બંપર કમાણી, મોટો નિર્ણય

ગુજરાત સ્થાપના દિવસે નડિયાદ એપીએમસી દ્વારા ખેડૂત હિતમાં નિર્ણય લેવામાં આવતા ખેડૂતોમાં ખુશી જોવા મળી રહી છે.

Kheda News: ખેડા જિલ્લાના નડિયાદ એપીએમસીની પીપલગ ચોકડી પાસે આવેલ સરદાર પટેલ માર્કેટ યાર્ડમાં શાકભાજીનું વેચાણ કરવા આવતા ખેડૂતો માટે મહત્વનો નિર્ણય કરવામાં આવ્યો છે. આજે ગુજરાતના સ્થાપના દિવસ નિમિત્તે એપીએમસીના ચેરમેન અપૂર્વ પટેલ તેમજ ડિરેક્ટરો દ્વારા ખેડૂતોની રજૂઆતને ધ્યાને રાખી કરવામાં આવ્યો છે. 

અગાઉ ખેડૂતોને ઉત્પાદન માંથી એક કિલો પ્રતિ બારદન કપાત કરવામાં આવતી હતી. જેથી ખેડૂતોને આર્થિક નુકસાનનું કારણ હતું. આ કપાત બંધ કરવાથી ખેડૂતોને તેમની પેદાશનો સંપૂર્ણ ભાવ હવે મળી રહેશે. જેથી તેમની આવકમાં સીધો વધારો થનાર છે. 

આ નિર્ણયને લઇ ખેડૂતો દ્વારા એપીએમસીના ચેરમેનનું ફુલહારથી સ્વાગત કરી સમગ્ર ટીમને ખેડૂતલક્ષી નિર્ણય કરવા બદલ શુભેચ્છાઓ પાઠવી હતી.