ઢબુડી માતા ઉર્ભે ધનજી ઓડે CORONA ના કહેર વચ્ચે ટોળા એકત્ર કર્યા, પોલીસે અટકાયત કરી

અમદાવાદ : લોકોને માતાના નામે છેતરનારા ઢોંગી ઢબુડી માતા ઉર્ફે ધનજી ઓડ ફરી ચર્ચામાં આવ્યો છે. કોરોનાની મહામારી ચાલી રહી છે. લોકોના એક સાથે એકત્ર થવા પર પ્રતિબંધ છે. છતા શહેરમાં ચાંદખેડા વિસ્તારમાં આવેલા તેના બંગલાની બહાર મોટા પ્રમાણમાં લોકો એકત્ર થયા હતા. જેને પગલે ઢબુડી માતાની અટકાયત કરવામાં આવી છે. 

કોરોના મહામારી દેશ સહિત સમગ્ર વિશ્વ પરેશાન છે. સરકાર દ્વારા પણ લોકોને અકારણ એકત્ર નહી થવા અંગે વારંવાર અપીલ કરવામાં આવી રહી છે. જો કે ધનજી દ્વારા લોકોને એકત્ર કરવામાં આવ્યા હતા. લોકો ન માત્ર નજીક નજીક ઉભા હતા. પરંતુ કેટલાક લોકોએ માસ્ક પણ નહી પહેર્યાનું ધ્યાને આવ્યું હતું. 

ધનજી ઓડના ચાંદખેડા ખાતેનાં બંગલા બહાર મોટા પ્રમાણમાં લોકો એકત્ર થયા હતા. ટોળુ એકત્ર થયાનાં મીડિયામાં અહેવાલો પ્રસારિત થયા હતા. જેના પગલે ચાંદખેડા પોલીસનો સ્ટાફ દ્વારા કાર્યવાહી કરવામાં આવી હતી. ચાંદખેડા પોલીસ દ્વારા ગુનો દાખલ કરીને તપાસ હાથ ધરી છે. જો કે ધનજી દ્વારા મીડિયા સાથે પણ ગેરવર્તણુંક કરવામાં આવી હતી.