ગુજરાતની પેટાચૂંટણીનું પિક્ચર ક્લિયર થયું, કડી-વિસાવદરમાં ઉમેદવારોનું ફાઈનલ લિસ્ટ આવી ગયું

Kadi And Visavdar Byelection : વિધાનસભાની પેટા ચૂંટણીમાં આજે ફોર્મ પરત ખેંચવાના અંતિમ દિવસે કડી બેઠક ઉપર કુલ 8 ઉમેદવાર... વિસાવદર વિધાનસભાની પેટા ચૂંટણીમાં કુલ 16 ઉમેદવાર મેદાનમાં રહ્યા

Gujarat Byelection 2025 : ગુજરાતમાં હવે કડી અને વિસાવદરની પેટાચૂંટણીનું પિક્ચર ફાઈનલ થઈ ગયું છે. ચૂંટણી પંચ દ્વારા કડી અને વિસાવદર બેઠકો પર કયા કયા ઉમેદવારોએ ફોર્મ ભર્યું છે અને કોણ કોણ ચૂંટણી મેદાનમાં છે તેનું લિસ્ટ જાહેર કરી દીધું છે. જે આ મુજબ છે. 

ભારતના ચૂંટણી પંચ દ્વારા જાહેર કરવામાં આવેલ કાર્યક્રમ અનુસાર રાજયની કડી તથા વિસાવદર વિધાનસભા મતવિભાગની પેટા ચૂંટણી માટેનું જાહેરનામું તારીખ 26 મેના રોજ પ્રસિદ્ધ કરાયું હતું. સંબંધિત ચૂંટણી અધિકારી પાસે ઉમેદવારી પત્રો ભરવાની શરૂઆત થઈ હતી. વિધાનસભાની પેટા ચૂંટણીના સંદર્ભમાં ચૂંટણી કાર્યક્રમ અનુસાર તારીખ 3 જુનના રોજ ઉમેદવારીપત્રોની ચકાસણી તથા તારીખ 5 જુનના રોજ ઉમેદવારીપત્રો પાછા ખેંચવાનો અંતિમ દિવસ હતો. જે અંતર્ગત ઉમેદવારીપત્રો પાછા ખેંચવાના છેલ્લા દિવસે એટલે કે, આજ તા.૦૫.૦૬.૨૦૨૫ ના રોજ સંબંધિત ચૂંટણી અધિકારી દ્વારા નીચે મુજબના ઉમેદવારો હરીફ ઉમેદવારો તરીકે નિયત કરવામાં આવેલ છે. 

કડી પેટાચૂંટણીમાં કોણ કોણ ઉમેદવાર 
ચાવડા જગદીશભાઈ ગણપતભાઈ - આમ આદમી પાર્ટી
રમેશભાઈ મગનભાઈ ચાવડા - ઈન્‍ડિયન નેશનલ કોંગ્રેસ
રાજેન્‍દ્રકુમાર (રાજુભાઈ) દાનેશ્વર ચાવડા - ભારતીય જનતા પાર્ટી
ડૉ. ગિરીશભાઈ જેઠાભાઈ કાપડીયા - પ્રજાશક્તિ ડેમોક્રેટિક પાર્ટી 
જયેન્‍દ્ર કરશનભાઈ રાઠોડ - રાઈટ ટુ રીકોલ પાર્ટી
પ્રવિણભાઈ ઈશ્વરભાઈ ચૌહાણ - ભારતીય જન પરિષદ
મકવાણા કમલેશભાઈ - સરદાર વલ્લભભાઈ પટેલ પાર્ટી
મકવાણા દશરથભાઈ ગણપતભાઈ - આપકી આવાઝ પાર્ટી

વિસાવદરમાં 3 ફોર્મ પરત ખેંચાયા
વિસાવદર પેટાચૂંટણીમાં હવે કુલ 15 ઉમેદવાર વચ્ચે જંગ થશે. સિંહોરના પતિ-પત્નિ અનિલ ચાવડા અને કલ્પના ચાવડાએ અપક્ષમાંથી ભરેલ ફોર્મ પરત ખેંચ્યા છે. દલસુખ હિરપરાએ અપક્ષ ઉમેદવાર તરીકે ફોર્મ પરત ખેચ્યું છે. સ્વઈચ્છાએ ફોર્મ પરત ખેંચ્યાનો ત્રણેયનો દાવો છે. ઉમેદવારી ફોર્મ ખેંચવાનો આજે છેલ્લો દિવસ હતો. ભાજપ, કોંગ્રેસ, આપ અને લોકશક્તિ ડેમોક્રેટિક પાર્ટીના ઉમેદવાર અને અપક્ષ ઉમેદવાર મળી કુલ 15 વચ્ચે ચૂંટણી જંગ છે. કુલ 19 ઉમેદવારમાંથી 3 ઉમેદવારએ ફોર્મ પરત ખેંચ્યા છે. 

વિસાવદર પેટાચૂંટણીમાં કોણ કોણ ઉમેદવાર
ઈટાલીયા ગોપાલ - આમ આદમી પાર્ટી
કિરીટ પટેલ - ભારતીય જનતા પાર્ટી
નીતીન રાણપરીયા - ઈન્‍ડિયન નેશનલ કોંગ્રેસ
કિશોરભાઈ કાનકડ - પ્રજાશક્તિ ડેમોક્રેટિક પાર્ટી
તુલસી લાલૈયા - અપક્ષ
નિરૂપાબેન નટવરલાલ માધુ - અપક્ષ
પટેલ બિનલકુમાર વિષ્ણુભાઈ - અપક્ષ
પરમાર રાજેશકુમાર પ્રેમજીભાઈ - અપક્ષ
નારીગરા ભરતભાઈ એસ. પ્રજાપતિ - અપક્ષ
યુનુસભાઈ હુસુનભાઈ સોલંકી - અપક્ષ
રજનીકાંત વાધાણી - અપક્ષ
રાજ પ્રજાપતિ - અપક્ષ
સુરેશ માલવીયા - અપક્ષ
સોલંકી રોહિત બધાભાઈ - અપક્ષ
સંજય હિતેષભાઈ ટાંક - અપક્ષ
હીતેશભાઈ પ્રેમજીભાઈ વઘાસીયા - અપક્ષ

ભારતના ચૂંટણી પંચની સૂચના અનુસાર લોકસભાની સામાન્ય ચૂંટણી તથા વિધાનસભાની પેટા ચૂંટણી-૨૦૨૫ ના સંદર્ભમાં ઉમેદવારો દ્વારા પોતાના ઉમેદવારીપત્રો સાથે સોગંદનામું (એફિડેવિટ- ફોર્મ-૨૬) પણ રજૂ કરવાનું રહે છે. જેથી ઉમેદવારો દ્વારા રજૂ કરવામાં આવતા સોગંદનામા (ફોર્મ-૨૬) રજૂ કર્યાના ૨૪ કલાકની અંદર મુખ્ય નિર્વાચન અધિકારીની કચેરી, ગુજરાતની વેબસાઈટ પર અપલોડ કરવામાં આવશે. જે https://ceo.gujarat.gov.in/Home/Affidavits-of-Candidates લિન્‍ક પર જઈને જોઈ શકાશે.