સુરતની સચિન GIDC મા અત્તર બનાવતી ફેક્ટરીમાં આગ, 6 ગાડીઓ ઘટના સ્થળે

સુરત : સચિન GIDC વિસ્તારમાં આવેલી અતર બનાવતી ફેક્ટરીમાં અચાનક આગ ફાટી નીકળી હતી. ચાલુ ફેક્ટરીએ આગ લાગી જતા અફડાતફડીનો માહોલ સર્જાયો હતો. આગ લાગવા અંગે ફાયર બ્રિગેડને જાણ કરવામાં આવતા ફાયરબ્રિગેડની 6 ગાડીઓ ઘટના સ્થળે પહોંચી ગઇ હતી. ફાયર બ્રિગેડ દ્વારા હાલ પાણીનો મારો ચલાવીને આગ પર કાબુ મેળવવા અંગે પ્રયાસ કરાઇ રહ્યા છે. અત્તર બનાવતી કંપનીમાં કામકાજ ચાલુ હતું તે દરમિયાન આગ ફાટી નિકળી હતી. આગ પ્રચંક હોવાને કારણે અંદર કામકાજ કરતા લોકો દોડી આવ્યા હતા. કામદારોમાં ડરનો માહોલ પેદા થયો છે. આ આગના પગલે આસપાસની કંપનીઓમાં પણ ડરનો માહોલ પેદા થયો હતો. 

એકે રોડ પર લબ્ધી મીલમાં આગની ઘટના બાદ ઉધનાના ગોડાઉનમાં આગ લાગી હોવાનો કોલ મળતાની સાથે જ ફાયર બ્રિગેડની 15 ગાડીઓ તત્કાલ સ્થળ પર પહોંચી ગઇહ તી. આગ પર કાબુ મેળવવા માટેના પ્રયાસો શરૂ કર્યા હતા. ભારે જહેમત બાદ આગ પર કાબુ મેળવવામાં સફળતા મળી હતી. ઘટનામાં પ્લાસ્ટિક ફોઇલનો જથ્થો બળી ખાક થઇ ગયો હતો.