સુરતમાં જાહેરમાં યુવાનને મોતને ઘાટ ઉતાર્યો, સમગ્ર ઘટના સીસીટીવીમાં કેદ

ચેતન પટેલ, સુરત: સુરતમાં ગુનેગારોને જાણે ખાખી વરદીનો કોઇ જ ખોફ ન રહ્યો હતો તેવું લાગી રહ્યું છે. એક જ દિવસમાં 3 જેટલી હત્યા જાહેરમાં કરવામાં આવી છે. ત્યારે વરાછા વિસ્તારમાં અંગત અદાવતમાં એક યુવાનને જાહેરમાં રહેંસી નાખ્યો હતો. જે સમગ્ર ઘટના સીસીટીવીમાં કેદ થઇ ગઇ હતી.

વધુમાં વાંચો: આશાબેન પટેલ આવતીકાલે પાટણથી જોડાઈ શકે છે ભાજપમાં: સૂત્રો

સુરતના વરાછા વિસ્તારમાં રહેતો દિનેશ વાડા હીરા ઘસી પોતાના પરિવારજનોનું ગુજરાતન ચલાવતો હતો. ગત મોડી રાત્રે દિનેશભાઇ પોતાના ઘરે પરત ફરી રહ્યો હતો. તે દરમિયાન માતાવાડી સર્કલ પાસે અજાણ્યા 4 શખ્સો દ્વારા દિનેશભાઇ પર તિક્ષ્ણ હથિયારના ઘા ઝીકી ભાગી છૂટ્યા હતા. જ્યાં ઘટના સ્થળ પર જ દિનેશબાઇનું કમકમાટી ભર્યુ મોત નિપજ્યું હતું.

વધુમાં વાંચો: અમદાવાદમાંથી ઝડપાયું ગુજરાતનું સૌથી મોટું બોગસ કોલસેન્ટર, 50થી વધુની ધરપકડ

આ ઘટનાની જાણ થતાં જ વરાછા પોલીસ અને ઉપરી અધિકારીઓનો કાફલો સ્થળ પર દાડી આવી તપાસ હાથ ધરી હતી. તપાસ દરમિયાન પોલીસના હાથે સીસીટીવી ફૂટેજ હાથ લાગ્યા હતા. જેમાં દિનેશભાઇની હત્યા કરતા 4 લોકો ઝડપાયા હતા. હાલ પોલીસ સીસીટીવી ફૂટેજના આધારે આરોપી સુધી પહોંચવાની કવાયત હાથ ધરી અજાણ્યા શખ્સો વિરૂધ હત્યાનો ગુનો નોંધ્યો છે.