જામનગરથી ચોથી ઓક્સિજન એક્સપ્રેસ ટ્રેન રવાના, રિલાયન્સ દ્વારા 5 ટેન્કર દિલ્હી મોકલાયા

જામનગર: જામનગરના હાપા ગુડ્સ શેડથી ચોથી ઓક્સિજન એક્સપ્રેસ ટ્રેન રવાના થઈ ગઈ છે. રિલાયન્સ દ્વારા આજે 5 મે 2021 ના રોજ રાજકોટ વિભાગના હાપા ગુડ્સ શેડથી દિલ્હી કેન્ટ માટે 5 ઓક્સિજન ટેન્કર સવારે 04.45 વાગ્યે માલ ટ્રેનમાં રવાના કરાયો હતા.

રિલાયન્સ ઇન્ડસ્ટ્રીઝ, જામનગર દ્વારા આ ઓક્સિજન ટેન્કરોમાં કુલ 103.64 ટન પ્રવાહી તબીબી ઓક્સિજન મોકલવામાં આવ્યો છે. આ ટ્રેન તેના અંતિમ મુકામ સુધી પહોંચવા માટે 1230 કિમીનું અંતર કાપશે. આ ઓક્સિજન ટેન્કરોથી પૂરા પાડવામાં આવેલા ઓક્સિજન દર્દીઓ દ્વારા ઉપયોગ માટે દિલ્હી અને આજુબાજુના વિસ્તારોની કોવિડ કેર હોસ્પિટલોમાં લઇ જવામાં આવશે.