વરઘોડામાં ઘોડીએ ચઢેલા વરરાજા ગબડી પડ્યા, જુઓ ઘટનાનો વીડિયો

Viral Video : વરરાજાને ઘોડી પર ચઢવું ભારે પડ્યું.... વાયરલ થયો મહીસાગર જિલ્લાનો આ વીડિયો

Mahisagar News : આપણે ત્યાં લગ્નમાં ઘોડીએ ચઢવાનો રિવાજ છે. વરરાજા ઘોડા પર જાન લઈને આવે છે. પરંતુ લગ્ન સમયે ક્યારેક પ્રાણીઓ હિંસક બની જતા હોય છે. લગ્નના વરઘોડામાં પ્રાણીઓ ફટાકડા ફૂટવાથી કે ડીજેના મ્યૂઝિકને કારણે બેકાબૂ બને છે. આવામાં પહેલો ઘા એ રાણાનો, એમ વરરાજા જ નીચે પટકાય છે. આવા જ દ્રશ્યો મહીસાગર જિલ્લાના એક લગ્ન પ્રસંગમા જોવા મળ્યા. લગ્નની જાનમાં ઘોડી બેકાબૂ બનતા વરરાજા નીચે પટકાયા હતા. આ ઘટનામાં વરરાજા સહિત 3 લોકોને ઈજા પહોંચી હતી.

પ્રાપ્ત માહિતી અનુસાર, મહીસાગર જિલ્લાના કડાણા તાલુકાનો આ વીડિયો છે. જેમાં એક લગ્ન પ્રસંગમાં ઘોડું ગબડયું હતું. કડાણા તાલુકાના ગ્રામ્ય વિસ્તારની આ ઘટના છે. લગ્નની જાનમાં ઘોડી કોઈ કારણોસર બેકાબૂ બન્યો હતો. ઘોડી અસ્વારના પણ કાબૂમાં રહી ન હતી. જેથી ઘોડી પર બેસેલ વરરાજા ધડામ કરીને નીચે પટકાયા હતા. 

આ ઘટનામાં વરરાજા સહિત 3 લોકોને ઇજા પહોંચી હતી. આમ, લગ્ન સમયે વરરાજાને ઘોડા પર સવારી કરાવી ડાન્સ કરાવો મોંઘો પડ્યો હતો. ઉલ્લેખનીય છે કે, આ રીતે લગ્નમાં પ્રાણીઓ પર અત્યાચાર કરી લોકોના જીવ જોખમમાં મૂકવા કેટલા યોગ્ય છે. લગ્ન જેવા સારા પ્રસંગમાં ઘોડેસવારી કેટલી જોખમી બની જાય છે.