અર્પણ કાયદાવાલા/ગાંધીનગર :દિવાળીના પ્રસંગે ગુજરાતમાં પોલીસ બેડામાં ચર્ચા ચર્ચા થઈ ગઈ. આજે દિવાળીએ ગુજરાતના 17 આઈપીએસ ઓફિસરોને બદલી અને પ્રમોશનનો ઓર્ડર આપવામાં આવ્યો છે. દિવાળીના દિવસે IPS અધિકારીઓની બદલી એકસાથે કરાઈ છે. સાથે જ અનેક IPS અધિકારીઓને પ્રમોશન મળ્યા છે. કુલ મળીને 17 IPS અધિકારીઓની બદલીનો ઓર્ડર છૂટ્યો છે. અમદાવાદ શહેરના 3 અધિકારીઓની બદલી કરાઈ છે. તો રાજકોટના પોલીસ કમિશનરની પણ બદલી થઈ છે.
ઉલ્લેખનીય છે કે, કેન્દ્રીય ચૂંટણી પંચે રાજ્ય સરકારને આદેશ આપ્યો હતો કે, લાંબા સમયથી એટલે કે 3 થી વધુ વર્ષોથી જે અધિકારીઓ એક જ જગ્યાએ કાર્યરત હોય તેમની બદલી કરવામાં આવે. પરંતુ રાજ્ય સરકાર આ આદેશના આંખ આડા કાન કરતી હતી. જે આઈપીએસ અધિકારીઓ એક જ જગ્યાએ હોય તેમને બદલવામાં આવે. ત્યારે આ બાદ ચૂંટણી પંચે સપ્ટેમ્બર મહિનાના અંત સુધી બદલી કરીને તેનો રિપોર્ટ આપવાનો ચૂંટણી પંચે રાજ્ય સરકારને હુકમ કર્યો હતો. પરંતુ રાજ્ય સરકાર કોઈ કારણોસર આ પ્રક્રિયા હાથ ધરતી ન હતી. ચૂંટણી પંચે આ અંગે રિમાઈન્ડર પણ કર્યુ હતું. આખરે બે દિવસ પહેલા ચૂંટણી પંચે રાજ્યના ડીજીપી અને મુખ્ય સચિવને સમન પાઠવ્યુ હતુ, કે કેમ આદેશનુ પાલન કરાતુ નથી. ત્યારે લપડાક પડ્યા બાદ વિભાગ હરકતમાં આવ્યું છે.
ગુજરાતના 17 IPS અધિકારીઓની બદલી; જાણો સંપૂર્ણ વિગત #Gujarat #BREAKING_NEWS #GujaratElections2022 pic.twitter.com/6ojFYrwbnp
— Zee 24 Kalak (@Zee24Kalak) October 24, 2022
અન્ય અધિકારીઓની પણ બદલી થશે.
આ પ્રથમ યાદી છે. આગળના સમયમાં બીજી યાદી આવી શકે છે. અન્ય સિનિયર ઓફોસરનો પણ અલગ અલગ જગ્યાએ પોસ્ટીંગ અપાઈ શકે છે. હજી અનેક સનિયર ઓફિસરોની બદલીના ઓડર આવશે. આજે જે 17 આઈપીએસ ઓફિસરોની બદલી થઈ છે, તેમાં કોઈની બઢતી સાથે બદલી તો કોઈને વધારાનો ચાર્જ સોંપવામાં આવ્યો છે.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
