)
ગૌરવ પટેલ/અમદાવાદ :ગુજરત કાંગ્રેસના 32મા પ્રમુખ તરીકે હાલ ઇશ્વરસિંહ ચાવડાના પૌત્ર અને ભરતસિંહ સોલંકીના પિતરાઇ ભાઇ અમિત ચાવડા (amit chavda) સુકાન સંભાળી રહ્યા છે. જોકે તેમના નેતૃત્વમાં ઘણા ધારાસભ્યોએ કોંગ્રેસ (gujarat congress) છોડી ભાજપાનો ખેસ ઘારણ કર્યો વર્ષ 2019ની લોકસભાની ચુટણીમાં કારમો પરાજય થયો અને ત્રણ પેટાચૂંટણીમાં પણ રકાસ જોવા મળ્યો. છેલ્લે યોજાયેલી આઠ વિધાનસભાની પેટાચૂટંણીમાં કોંગ્રેસને સમ ખાવા એકેય બેઠક ન મળી. ત્યારે અમિત ચાવડા અને પરેશ ધાનાણીએ હાઇકમાન્ડ સમક્ષ રાજીનામુ ધર્યુ છે. ત્યારે કેટલાક નેતાઓના નામ અત્યારે પ્રદેશ પ્રમુખની રેસમાં છે. જોકે હવે નવા પ્રદેશ પ્રમુખ ગુજરાત કોંગ્રેસને સત્તા સ્થાને પહોચાડશે કે કેમ તે સવાલ છે.
ગુજરાત કાંગ્રેસની સ્થાપના 1921માં થઇ હતી. ત્યારથી લઈને અત્યાર સુધી કાંગ્રેસ પાર્ટીએ 31 પ્રદેશ પ્રમુખનું સુકાન જોયુ છે. ત્યારે પ્રદેશ પ્રમુખની સફર પર એક નજર કરીએ.ગુજરાત કાંગ્રેસના અત્યાર સુધી થઇ ગયેલા પ્રમુખની વાત કરવામાં આવે, તો લોહ પુરુષ સરદાર વલ્લભભાઈ પટેલ ગુજરાત કોંગ્રેસના પ્રથમ પ્રદેશ પ્રમુખ હતા.
પ્રબોધ રાવલની બીજી ટર્મથી કાંગ્રેસના રકાસની શરૂઆત થઇ હતી. ત્યારથી લઇ અત્યાર સુધી કોંગ્રેસ ક્યારેસ સીધી રીતે અને એકલે હાથે વિધાનસભાની ચૂંટણી જીતી સત્તા સ્થાને પહોંચી નથી. પ્રબોધ રાવલ અને ત્યાર બાદના પ્રદેશ પ્રમુખની આગેવાનીમાં કાંગ્રેસ વિપક્ષમાં બેઠી છે. તે હજી સુધી વિપક્ષમાં જ છે.
હવે અમિત ચાવડાએ રાજીનામુ ધર્યુ છે, ત્યારે કોને માથે પ્રમુખની જવાબદારી આવે છે તેના પર સૌની નજર મંડરાયેલી છે. શું નવા પ્રમુખ કોંગ્રેસને સત્તા સુધી પહોંચાડશે. કોંગ્રેસ નવો ચહેરો લાવશે કે પછી જૂના જોગીને સ્થાન આપશે તે જોવુ રહ્યું.
સમાચાર જગતની પળે પળની માહિતી હવે આંગળીના ટેરવે, તો રાહ કોની જુઓ છો, આજે જ જોડાઈ જાઓ અમારી WhatsApp channel સાથે
Newsletter
