Gujarat Election 2022: આમ આદમી પાર્ટીએ વધુ 10 ઉમેદવાર કર્યાં જાહેર, જાણો કોને મળી ટિકિટ

Gujarat Election 2022, AAP: ગુજરાત ચૂંટણીની જાહેરાત થઈ ગઈ છે. આમ આદમી પાર્ટીએ આજે ઉમેદવારોની નવમી યાદી જાહેર કરી દીધી છે. અત્યાર સુધી અરવિંદ કેજરીવાલની પાર્ટીએ કુલ 118 ઉમેદવારો જાહેર કરી દીધા છે.

અમદાવાદઃ આજે કેન્દ્રીય ચૂંટણી પંચ દ્વારા ગુજરાતની ચૂંટણી જાહેર કરી દેવામાં આવી છે. ગુજરાતમાં 1 ડિસેમ્બરે પ્રથમ તબક્કાનું અને 5 ડિસેમ્બરે બીજા તબક્કાનું મતદાન યોજાવાનું છે. રાજ્યની વિધાનસભા ચૂંટણીની મત ગણતરી 8 ડિસેમ્બરે થશે. ચૂંટણીની જાહેરાત સાથે તમામ રાજકીય પાર્ટી તૈયારીઓમાં લાગી ગઈ છે. આ વચ્ચે આમ આદમી પાર્ટીએ પોતાના ઉમેદવારની નવમી યાદી જાહેર કરી દીધી છે. 

આમ આદમી પાર્ટીએ પોતાની નવમી યાદી જાહેર કરી
આ વર્ષે રાજ્યમાં જોરશોરથી વિધાનસભા ચૂંટણી લડવા ઉતરેલી આમ આદમી પાર્ટીએ પોતાના ઉમેદવારની નવમી યાદી જાહેર કરી છે. આમ આદમી પાર્ટીના આ યાદીમાં 10 ઉમેદવારો જાહેર કર્યાં છે. આમ આદમી પાર્ટીએ અત્યાર સુધી કુલ 118 ઉમેદવારો જાહેર કરી દીધા છે. 

આ પણ વાંચોઃ Opinion Poll: મુખ્યમંત્રી તરીકે પહેલી પસંદ કોણ? સર્વેમાં સામે આવ્યા ચોંકાવનારા આંકડા

આજે આમ આદમી પાર્ટીએ જાહેર કરેલા ઉમેદવાર

1. કલોલ (ગાંધીનગર)- કાંતીજી ઠાકોર

2. દરિયાપુરથી તાજ કુરેશી

3. જમાલપુર ખાડિયાથી હારુન નાગોરી

4. દસાડાથી અરવિંદ સોલંકી

5. પાલીતાણાથી ડોક્ટર ઝેડ પી ખેની

6. ભાવનગર ઇસ્ટથી હમીર રાઠોડ

7. પેટલાદથી અર્જુન ભરવાડ

8. નડિયાદથી હર્ષદ વાઘેલા

9. હાલોલથી ભરત રાઠવા

10.  સુરત ઇસ્ટ થી કંચન જરીવાલા