Breaking તાલુકા પંચાયત ચૂંટણી પરિણામ: આમ આદમી પાર્ટીએ ખાતું ખોલ્યું, જાણો ક્યાં મળી જીત

ઝી મીડિયા બ્યૂરો, અમદાવાદ: તાજેતરમાં 6 મહાનગરપાલિકાની ચૂંટણીઓ યોજાઈ હતી તેમાં સુરત મહાનગરપાલિકમાં આમ આદમી પાર્ટીએ 27 બેઠકો મેળવીને બધાને ચોંકાવી દીધા છે. અને હવે જિલ્લા, તાલુકા અને પાલિકા ચૂંટણીઓના આજના પરિણામમાં પણ આમ આદમી પાર્ટીએ ખાતું ખોલ્યું છે. 

જૂનાગઢમાં બંધાળા તાલુકા પંચાયત સીટ પર આમ આદમી પાર્ટીના ઉમેદવાર વિલાસબેન વાળા વિજેતા બન્યા છે. હવે જોવાનું રહેશે કે આમ આદમી પાર્ટી આ ચૂંટણીઓમાં કેવું પરિણામ મેળવે છે. મતદારોને આકર્ષવામાં સફળ રહે છે કે નહીં. 

અત્રે જણાવવાનું કે 231 તાલુકા પંયાયતોની તાજેતરમાં ચૂંટણી યોજાઈ હતી અને આજે તેના પરિણામનો દિવસ છે. ત્યારે ભાજપ જીતશે કે કોંગ્રેસ તે જોવાનું રહેશે. આ સાથે આમ આદમી પાર્ટી પણ આ વખતે કેવું પ્રદર્શન કરશે તેના પર બધાની નજર છે.