ગુજરાત કોંગ્રેસમાં ભંગાણ શરૂ, સામ પિત્રોડાના નજીકના હિમાંશુ વ્યાસે આપ્યું રાજીનામું

Gujarat Election 2022 : ઓવરસીઝ કોંગ્રેસના ઈન્ચાર્જ પદ પરથી AICCના સેક્રેટરી હિમાંશુ વ્યાસે રાજીનામું આપતા કોંગ્રેસની હાલત કપરી થવા માંડી છે. હવે હિમાંશુ વ્યાસ કોંગ્રેસમાંથી રાજીનામું આપી ભાજપમાં જોડાય તેવી શક્યતા જોવાઈ રહી છે.

Gujarat Election 2022: ગૌરવ પટેલ/અમદાવાદ: ગુજરાત વિધાનસભાની ચૂંટણી પહેલા કોંગ્રેસને મોટો ઝટકો લાગ્યો છે.  કોંગ્રેસે શુક્રવારે મોડી સાંજે ઉમેદવારીની પહેલી યાદી જાહેર કરી હતી. ત્યારબાદ આજે AICCના સેક્રેટરી હિમાંશુ વ્યાસે કોંગ્રેસમાંથી રાજીનામું આપી દીધું છે. આ સાથે જ હિમાંશુ વ્યાસ આજે જ ભાજપમાં જોડાય તેવી પુરે પુરી શક્યતા જોવામાં આવી રહી છે.

ઓવરસીઝ કોંગ્રેસના ઈન્ચાર્જ પદ પરથી AICCના સેક્રેટરી હિમાંશુ વ્યાસે રાજીનામું આપતા કોંગ્રેસની હાલત કપરી થવા માંડી છે. હવે હિમાંશુ વ્યાસ કોંગ્રેસમાંથી રાજીનામું આપી ભાજપમાં જોડાય તેવી શક્યતા જોવાઈ રહી છે. એવું માનવામાં આવી રહ્યું છે કે હિમાંશુ વ્યાસ કોંગ્રેસ દ્વારા સતત અવગણનાના કારણે નારાજ હતા. નવા સંગઠનના વિરોધમાં કોંગ્રેસમાંથી રાજીનામું આપ્યું હોવાની વાત સામે આવ્યું છે. હિમાંશુ વ્યાસ ટેકનોક્રેટ સામ પિત્રોડાના નજીકના મનાય છે.

વિધાનસભાની ચૂંટણી પહેલા કોંગ્રેસને મોટો ઝટકો... AICCના સેક્રેટરી હિમાંશુ વ્યાસે કોંગ્રેસમાંથી આપ્યુ રાજીનામુ...

- હિમાંશુ વ્યાસ આજે જ ભાજપમાં જોડાય તેવી પુરી શક્યતા...#GujaratCongress #GujaratBJP #HimanshuVyas #GujaratElection2022 pic.twitter.com/sHbncQuD85

— Zee 24 Kalak (@Zee24Kalak) November 5, 2022

મહત્વનું છે કે, ગુજરાતમાં વિધાનસભા ચૂંટણી પહેલા સૌથી મોટું ભંગાણ થયું છે. હિમાંશુ વ્યાસ બે વખત સુરેન્દ્રનગરની વઢવાણ બેઠક પરથી ચૂંટણી લડી ચૂક્યા છે. જોકે, બંને વખત ભાજપના ઉમેદવાર સામે તેમનો પરાજય થયો હતો.