સસ્તા સોનાના નામે ઠગાઇ કરનારી ટોળકી ઝબ્બે, મોડસ ઓપરેન્ડી જાણીને ચોંકી ઉઠશો

રાજેન્દ્ર ઠાકર/ભુજ : સસ્તામાં સોનુ આપવાની લાલચે 17 લાખનું ચીટીંગ કરનારી નવાબ આણિ મંડળીની ધરપકડ 3 આરોપીને પોલીસે ઝડપી લીધા. રાજસ્થાનના યુવકને સસ્તામાં સોનુ આપવાની લાલચ આપી ભુજ બોલાવી 17 લાખ રૂપિયા મેળવીને છેતરપિંડી આચરનારાં ભુજના નવાબ હારૂન ત્રાયા સહિતની ત્રિપુટીની પોલીસે ધરપકડ કરી લીધી છે. ચીટીંગના આ કેસને ગંભીરતાથી લઈ પોલીસે આરોપીઓને ઝડપી પાડવા વિવિધ ટૂકડી બનાવી હતી. પીઆઈ  હેડ કોન્સ્ટેબલને મળેલી સંયુક્ત બાતમીના આધારે ભુજના નાગોર ફાટક પાસેથી તેમને દબોચી લેવાયાં હતા.

પોલીસે નવાબ હારૂન ત્રાયા, હસન હનીફ નોડે અને ઈકબાલ મામદ ચૌહાણની ધરપકડ કરી છે. આ બનાવમાં પોલીસે આરોપીઓએ ચીટીંગ કરી મેળવેલાં તમામ 17 લાખની રોકડ રકમ કબ્જે કરી લીધી છે. પોલીસે 17 લાખની રોકડ ઉપરાંત ગુનામાં વપરાયેલી 13 લાખની ક્રેટા કાર, 15 હજાર 500ની કિંમતના 4 મોબાઈલ ફોન મળી કુલ 30 લાખ 15 હજાર 500નો મુદ્દામાલ કબ્જે કર્યો છે. નવાબ ત્રાયા ભુજનો નામચીન ઠગ છે. નવાબ સામે અગાઉ પણ બે ચીટીંગની ફરિયાદો નોંધાયેલી છે.