જલ્દી કરો, IRCTC ની આ તક ગુમાવવા જેવી નથી, માર્ચમાં ગુજરાત ફરવાની અનોખી ઓફર

IRCTC Gujarat Tour Package : આઈઆરસીટીસીના એર ટુર પેકેજમાં તમે દ્વારકાધીશ, પોરબંદર, રાજકોટ, સાસણગીર, સોમનાથ ફરી શકશો.... આ રીકે ટુર પેકેજની આખી વિગત

Gujarat Tourism : ગુજરાતની ગણતરી દેશના સુંદર રાજ્યોમાં થાય છે. ગુજરાત ફરવા માટે સમગ્ર દેશમાંથી જ નહિ, પરંતું વિદેશોમાંથી પણ ટુરિસ્ટ આવે છે. ગુજરાત ફરવા માટે એક એકથી ચઢિયાતા સુંદર સ્થળો છે. સાથે જ અહી મનમોહક મંદિરો પણ છે. જો તમે આગામી માર્ચ મહિનામાં ગુજરાત ફરવાનું પ્લાન બનાવો છો તો આઈઆરસીટીસીનું પેકેજ તમારા માટે બેસ્ટ ઓપ્શન છે. IRCTC મુસાફરો માટે આ ખાસ ઓફર લઈને આવ્યું છે. આ પેકેજમાં તમે ગુજરાતના તમામ મંદિરો સારી રીતે ફરી શકો છો. 

IRCTC ના એર ટુર પેકેજનું નામ છે Temple Tour Of Gujarat With Gir National Park (NDA18) . આ પેકેજ 5 નાઈટ અને 6 દિવસની છે. આ એર ટુર પેકેજ 19 જાન્યુઆરી દેશની રાજધાની દિલ્હીથી શરૂ થશે. તેમાં ટ્રાવેલિંગ મોડ ફ્લાઈટ રહેશે અને દિલ્હીથી રાજકોટ એર ઈન્ડિયાની ફ્લાઈટ હશે. 

એર ટુરમાં મળશે 5 બ્રેકફાસ્ટ અને 5 ડિનર
IRCTC ની આ ખાસ ટુર પેકેજમાં તમે દ્વારકા, પોરબંદર, રાજકોટ, સાસણગીર, સોમનાથ અને ગીર નેશનલ પાર્ક ફરી શકશો. ટુર પેકેજમાં તમે 2 રાત દ્વારકા, 1 રાત સોમનાથ, 1 રાત સાસણ ગીર અને 1 રાત રાજકોટમાં રહેવા મળશે. મીલ પ્લાનની વાત કરીએ તો આ ટુર પેકેજમાં 5 બ્રેકફાસ્ટ અને 5 ડિનર મળશએ. ટુર પેકેજમાં કુલ 30 સીટ રાખવામાં આવી છે. 

ટુર પેકેજનો ભાવ કેટલો
આ ટુર પેકેજના ભાવની વાત કરીએ તો સિંગલ બુક કરાવવા પર તમને 43,430 રૂપિયા ખર્ચ કરવાના રહેશે. તો ડબલ શેરિંગમાં 33,740 રૂપિયા અને ત્રિપલ શેરિંગમાં 32,630 રૂપિયા ચાર્જ રહેશે. 

આ ઉપરાંત 5 થી 11 વર્ષના બાળક માટે બેડ લેવા પર 28,750 રૂપિયાનો ચાર્જ હશે. તો બેડ ન લેવા પર 20,950 રૂપિયા ચાર્જ લાગશે. IRCTC ની વેબસાઈટ પર જઈને પણ તમે આ ટુર પેકેજ બુક કરાવી શકો છો.